कोरियामा बढिरहेको घटना, दुर्घटना एवं समस्याहरुको न्युनिकरण विषयक “बृहत अन्तरक्रिया कार्यक्रम ” हुने

अप्रील ७ तारिख आइतवारका दिन कोरियामा बढिरहेको घटना, दुर्घटना एवं समस्याहरुको न्युनिकरण विषयक “बृहत अन्तरक्रिया कार्यक्रम ” हुने भएको छ। नेपाली राजदूतावास, नेपाली सम्पर्क समिती, आदिवासी जनजाति महासंघ र प्रदेश स्तरीय संस्थाहरुको संयुक्त आयोजनामा उक्त कार्यक्रम हुन लागेको हो।

कोरियामा नेपाली विविध समस्याहरुबाट गुज्रीनु परिरहेको छ। कम्पनी दुर्घटना, स्वास्थ्य उपचारमा भाषिक समस्या, डिप्रेसनको शिकार, अज्ञात तरिकाले वास स्थानमा मृत्यु लगायत प्रशाशनिक समस्याबाट पनि पीडित छन्। यिनै समस्याहरुमाथी विभिन्न विधागत विशेषज्ञ परामर्शदातासँग छलफल गरि न्युनिकरण र समाधानको निम्ति कार्यक्रम आयोजना गर्न नेपाली सम्पर्क समितीले विशेष पहल गरेको र कार्यक्रमबाट उचित निर्णय हुने एन सिसी अध्यक्ष हरि प्रसाद खनालले जानकारी गराएका छन्।

सौल स्थित जोगेसा गुम्बाको हलमा हुने कार्यक्रममा उपस्थित हुनको लागि कोरियामा रहेका विभिन्न पेसा व्यवसायमा आबद्ध सम्पूर्ण नेपालीलाई आयोजकले अनुरोध गरेको छ।

तपसील
मिति : ७ अप्रिल, २०२४ (आइतवार)
समय : दिउसो १२:०० बजे
स्थान : 조게사 (जोगेसा हल) (서울시 종로구 우정국로 55)

Train line No. 1 종각역 Exit 2 बाट सिधा २०० मिटर अगाडी