सेयर एकै दिन १ अर्ब ३० करोडको कारोबार


काठमाडौं-सेयर बजारमा सोमबार एकै दिन १ अर्ब ३० करोड रुपैयाँ बराबरको कारोबार भयो । जुन एकै दिनमा भएको हालसम्मकै उच्च कारोबार रकम हो । यसअघि २०७१ साउन ५ मा एकै दिन १ अर्ब २० करोड रुपैयाँको कारोबार भएको थियो । त्यसयता बजारमा उतारचढाव आएर सोमबार कारोबार मापक परिसूचक नेप्स १ हजार ४६ अंकमा पुगेको छ ।
मौद्रिक नीतिमा वित्तीय संस्थाको चुक्ता पुँजी चार गुणा बढाउनुपर्ने निर्णय भएपछि बिहीबारदेखि बजार दुई दिन बढ्यो । दुई दिनमा मात्रै परिसूचक ९० अंकले बढेको थियो । आइतबार आधा घण्टा मात्रै कारोबार हुँदा परिसूचक ५० अंकले बढेको थियो । ‘बजारमा बिस्तारै सुधार आउन थालेको हो,’ सेयर ब्रोकर अनन्त पौडेलले भने ।
बिहीबारअघि सेयर किन्नेहरूले बेच्न थालेपछि बजार घट्न थालेको थियो । १ हजार ५३ अंकसम्म पुगेर परिसूचक घटेको हो । कारोबार बन्द हुँदा परिसूचक १ हजार ४६ अंकमा आइपुगको छ । ब्रोकर पौडेलका अनुसार उच्च नाफा भएपछि पहिले किन्नेहरूले बेच्न थालेकाले बजारमा माग बढेर बजार घट्न थालेको हो । कारोबार रकम र परिसूचक दुवै बढ्नुलाई ‘डबल टप’ भन्ने गरिएको बजार विश्लेषक रविन्द्र भट्टराईले बताए । ‘सामान्यतया नेप्से उच्च विन्दुमा पुगेको बेला कारोबार रकम पनि उच्च हुने गर्छ । सोमबार नेप्से गत आवको उच्च विन्दुमा पुगेर तल ओर्लिएको छ,’ उनले भने, ‘प्राविधिक विश्लेषणमा यसलाई डबल टप अर्थात दोहोरो उचाइ भनिन्छ । प्राविधिक विश्लेषणमा दोहोरो उचाइले बजार करेक्सन हुने संकेत गर्छ ।’
यससँगै पछिल्लो समय बैंक वित्तीय संस्थाका प्रवद्र्धकबाट साधारण सेयरमा परिवर्तन भएका सेयर पनि बिक्रीका लागि बजारमा आउन थालेपछि बजार स्थिर भएको हो । ‘करिब ७० प्रतिशत बैंकका १९ प्रतिशत सेयर परिवर्तन भएका छन्,’ अर्का ब्रोकर नन्दकिशोर मुन्दडाले भने, ‘यसले पनि बजार केही घटाउन मद्दत गर्‍यो ।’
लगानीकर्ताहरू विवेकपूर्ण लगानी गर्न थालेको अनुभव मुन्दडाको पनि छ । ‘ठूला बैंकहरूको
मात्रै कारोबार भएको छ,’ उनले भने, ‘बोनस र हकप्रद सेयर जारी गर्न सक्ने वित्तीय संस्थामा लगानी गर्ने बढेका छन् ।’
मौद्रिक नीतिले पुँजी बढाउने निर्णय गरेपछि बैंकहरूले बोनस र हकप्रद सेयर जारी गर्ने सम्भावना भएको भन्दै माग बढेर बजारमा उछाल आएको थियो । ‘अब बजारमा सामान्य मात्रै घटबढ हुने जस्तो देखिन्छ,’ पौडेलले भने, ‘ठूलो उतार वा चढाव आउने देखिँदैन ।’

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • पाँचथर सेवा समाज कोरियाको अधिवेशन सम्पन्न, अध्यक्षमा रमेश लावती
  • सिन्धुपाल्चोक समाजको पाँचौँ अधिवेशन सम्पन्न, अध्यक्षमा राज लोप्चन
  • कोरियामा सोनाम ल्होछार बृहत सांस्कृतिक कार्यक्रम २०२४ भव्यताका साथ सम्पन्न
  • “खाजी होई ल्होछार” गीत सार्वजानिक
  • ताजा अपडेट

    ईपिएस

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    नेपालको गाउ विकासमा कोरियन कम्पनीको चासो

    कोरियाको शोजेएम प्रालि कम्पनीले नेपालका विभिन्न गाउं पालिकाका अध्यक्षहरुसंग भगिनी सम्बन्ध कायम गर्दे गाउं विकासको कार्यमा सहकार्य गर्ने भएको छ । आज काठमाण्डौको धुम्बाराही स्थित आकामा होटलमा भेटघाट कार्यक्रम गर्दे शोजेएम कम्पनी कोरिया र पांचथर जिल्ला ...

    सन् २०२४ का लागि प्रवासी श्रमिकको कोटा निर्धारण, 16 देश बाट १ लाख ६५ हजार

    दक्षिण कोरियाले सन् २०२४ का लागि रोजगार अनुमति प्रणाली (ईपिएस) मार्फत १ लाख ६५ हजार कामदार कोरिया ल्याउने भएको छ । मंगलबार बसेको प्रवासी मजदुर नीति निर्धारण समितिको बैठकले सो निर्णय गरेको हो ।   कोरियामा भएको मजदुर अभाबलाई कम गर्नका लागि अहिलेसम्मकै बढि विदेशी ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...