बुद्धी गुरुङले जिते एनआरएनए कोरियाको अध्यक्ष, पार्वती मोक्तान वरिष्ठ उपाध्यक्षमा
गैर आवासीय नेपाली सङ्घ (एनआरएनए) राष्ट्रिय समन्वय परिषद् दक्षिण कोरियाको निर्वाचन सम्पन्न भएको छ । आइतवार अनलाईन मार्फत भएको मतदानमा अध्यक्षमा बुद्धि गुरुङले जीतेका छन् ।
आइतबार वेलुकी सार्वजनिक मत परिणामअनुसार अध्यक्षमा दुई प्रतिद्वन्द्वीहरुलाई हराउँदै बुद्धी गुरुङ निर्वाचित भएका हुन् । गुरुङले १५२१ मत ल्याएर निर्वाचित भएका छन् भने उनका प्रतिद्वन्द्वी विपिनकुमार गुरुङले १२५७ र सञ्जीव कुमार राईले ९८८ मत ल्याएका थिए । जम्मा ३७६८ मत खसेका थिए ।
त्यस्तै वरिष्ठ उपाध्यक्ष पार्वती मोक्तानले २२१८ मत ल्याएर निर्वाचित भएकी छन् । उनका प्रतिद्वन्द्वी परि गुरुङले १५४६ मत प्राप्त गरेकी छन् ।
त्यस्तै महिला उपाध्यक्ष आरती ह्योल्मो‚ उपाध्यक्षहरू हरि भट्टराई‚ तारा पुन मगर‚ सुनिल कन्दवा‚ महासचिव डा. केशव थापा‚ सचिबद्वय पूर्णराम बुढा र कमल भण्डारी‚ कोषाध्यक्ष भक्तबहादुर गुरुङ‚ सह कोषाध्यक्ष विष्णु बुढाथोकी निर्वाचित भएको निर्वाचन आयोगका अध्यक्ष गङ्गाराज राईले जानकारी दिए ।
यसै गरी युवा संयोजक युविन श्रेष्ठ‚ महिला संयोजक नीला राई निर्वाचित भएका छन् ।
सदस्यहरुमा सपना अधिकारी‚ विन्दु शाह‚ विष्णु बहादुर रकल‚ विष्णु रेग्मी ‘रुविन’‚ मङ्गलप्रसाद योङहाङ‚ गंगाराजन मगर र सुधान जुहारचन निर्वाचित भएका छन् ।
सन् २०२३-२५ कार्यकालका निर्वाचित भएका हुन् । कोरियामा रहेका एनआरएनएका मतदाता सङ्ख्या ४४५८ थिए भने ३७६६ मत खसेका थिए ।
