चलचित्र छक्कापञ्जा ४ प्रदर्शनको आर्थिक विवरण सार्वजनिक, ३५ लाख कोरियन वोन आगलागी पिडितलाई सहयोग
मनोरञ्जनको साथसाथै सहयोग गरौं भन्ने उद्धेश्यका साथ तेह्रथुम जिल्लाको अठाराई गाउँपालिका वडा नम्बर ६ मा भएको भीषण आगोलागीबाट विस्थापित घरपरिवार सहयोगार्थ तामाङ घेदुङ ख्यङ्साङ् शाखाले प्रदर्शन गरेको नेपाली कथानक चलचित्र छक्कापञ्जा ४ को आर्थिक विवरण सार्वजनिक गरिएको छ ।
कार्यक्रमको कुल बचत ४६ लाख ५७ हजार ३ सय १०कोरियन वोन मध्ये ३० लाख र रबिन बल तामाङको पहलमा सङ्कलित ५ लाख गरि ३५ लाख कोरियन वोन बराबरको नगद तथा जिन्सी पिडित परिवारहरुलाई हस्तान्तरण गरिएको छ । बाँकी १६ लाख ५७ हजार ३ सय १० कोरियन वोन नाना आङा धिम (महिला सेल्टर) संचालनमा सदुपयोग गरिने जनाएको छ ।
सामाजिक सेवामा समर्पित चलचित्र प्रदर्शन कार्यक्रमलाई सफल पार्न महत्वपूर्ण भूमिका निर्वाह गर्ने विभिन्न संघ-संस्थाहरु , स्पोन्सर दाताहरु प्रचार प्रसारमा साथ दिनुहुने विभिन्न मिडिया पार्टनरहरु , नेपाली चलचित्रलाई माया गरि सामाजिक सेवामा सहभागी हुनु हुने सम्पुर्ण नेपाली दर्शकहरुलाई नेपाल तामाङ घेदुङ ख्याङ्साङ् बुसान शाखा परिवारले हार्दिक धन्यवाद तथा आभार प्रकट गरेको छ ।
