कोरियामा राजदूताबासको आठ हप्ते अनलाईन प्रशिक्षण कार्यक्रम शुरु
दक्षिण कोरियामा नेपाली राजदूताबासले श्रम सम्बन्धी विभिन्न विषयलाई समेटेर आठ हप्ते अनलाईन प्रशिक्षण कार्यक्रम गत आइतबार फेब्रवरी १९ बाट शुरु गरेको छ । श्रमिक सुरक्षा तथा सचेतना नामक कार्यक्रम हरेक आइतबार साँझ स्थानिय समय अनुसार ७ देखि ८.३० बजेसम्म अनलाईन माध्यम जुममार्फत संचालन गरिएको छ ।
कार्यक्रम अप्रिल ९ तारिसम्म संचालन हुनेछ । हरेक हप्ता फरक विषयमा सम्बन्धीत विषयका विज्ञद्धारा प्रक्षिण दिइनेछ । पहिलो हप्ता अनलाईन श्रम स्वीकृति र फेमिस प्रणली बारे इन्जिनियर राजु श्रेष्ठद्धारा प्रशिक्षण सम्पन्न भइसकेको छ । फेब्रवरी २६ तारिख दोस्रो हप्ता रेमिटेन्स व्यवस्थापन र वित्तिय साक्षरता विषयमा राष्ट्रबैकका उपनिर्देशक मणिराम श्रेष्ठले प्रशिक्षण दिनेछन् ।
त्यसैगरी मार्च ५ तारिख तनाब व्यवस्थापन र मनको दुःखबाट मुक्तिको उपाय विषयमा नेपाल सरकारबाट मान्यताप्राप्त मनोपरामर्शकर्ता सृजना ज्ञावलीद्धारा प्रक्षिण दिइने छ । मार्च १२ तारिख व्यवसायजन्य सुरक्षा विषयमा श्रम तथा व्यवसायजन्य सुरक्षा विभागमा कार्यरत इन्जिनीयर सुजन जोजुजुले प्रशिक्षण दिइनेछन् ।
मार्च १९ तारिख कोरियाको श्रम कानुन, कार्य संस्कृति र इपिएस प्रणाली विषयमा कोरियाका प्रवासी मजदुर संघ (एमटियु) का अध्यक्ष उदय राईद्धारा प्रशिक्षण दिइने छ । मार्च २६ तारिख बैदेशिक रोजगार बोर्डबाट प्रवाह गरिने कल्याणकारी सेवाहरु विषयमा बैदेशिक रोजगारका उप सचिव मैया कंडेलद्धारा प्रशिक्षण दिइने छ ।
घर फिर्ती उद्यमशिलता र सरकारी नीतिगत व्यवस्था विषयमा कोरियाबाट फर्केकाहरुको संस्था अंकुर नेपालका अध्यक्ष प्रकाश सुवेदी र राहदानी नविकरण, कन्सुलर सेवा लगायत नियोगबाट प्रवाह गरिने सेवाहरु बारे राजदूताबासका द्धितिय सचिव सूर्य थापाबाट प्रशिक्षण दिइनेछ ।
कार्यक्रमलाई एनआरएनए कोरियाले व्यवस्थापन गरेको छ । कोरियामा रहेको इपिएस श्रमिकहरुका वैदेशिक रोजगारी सम्बन्धि बिबिद विषयहरुको जिज्ञासा र समस्य समाधान गर्दै रोजगारीलाई सुरक्षित र सहज बनाउने उद्देश्यले यो कार्यक्रम गरिएको श्रम काउन्सीलर चन्द्रकला वलीले आइतबार कार्यक्रम संचालन गर्नेक्रममा जानकारी दिनुभयो ।
