उल्सान अन्यांङ नेपाली समाजद्वारा “भेटघाट, बिदाई तथा बनभोज कार्यक्रम” सम्पन्न

उल्सान अन्यांङ नेपाली समाज दक्षिण कोरियाद्वारा यसपालिको गर्मी बिदामा “भेटघाट, बिदाई तथा बनभोज कार्यक्रम” सम्पन्न गरेकोछ ।

समाजले गर्मी बिदाको अवसर पारेर अगष्ट-२-२०२० आइताबारका दिन अन्यांड. बाट नजिकै रहेको एकान्त, रमणीय र मनमोहक दृश्य रहेको पिकनिक स्थल ( 호반 가든 ) मा उक्त कार्यक्रम सम्पन्न गरेको हो । उल्सान र अन्यांड़का करिब ५० भन्दा बढी नेपाली दाजुभाई तथा दिदीबहिनीहरू भेला भई गर्मी बिदा भेटघाट बिदाई तथा बनभोज कार्यक्रम बिशेष र सम्झनालायक बनाउँदै सभ्य र भव्य रूपमा कार्यक्रम भएको संस्थाको संस्थापक तथा बर्तमान अध्यक्ष गितासिंह गुरूड़ले फ़ोनिज कोरिया लाई जानाकारी गरेका हुन् ।

गुरूङका अनुसार कार्यक्रमलाई औपचारिक, स्वागत तथा बिदाई सांस्कृतिक, खेलकूद, मनोरन्जनात्मक गरी ५ बिधामा बिभाजन गरिएको थियो । बिहानको नास्ता सँगै सुरू भएको औपचारिक कार्यक्रम संस्थाका महासचिव यदुनाथ नेपालले सन्चालन (होस्ट) गरेका थिए । संस्थाको संरक्ष्यक तथा सल्लाहाकार कृष्ण महर्जनको स्वागत मन्तव्य सँगै सुरू भएको उत्त कार्यक्रममा नयाँ साथिहरूलाई स्वागत र नेपाल जाने बेला भएका अग्रज साथिहरूलाई बिदाइ गरेका थिए । नेपाल जाने साथिहरूलाई संस्थाका बरिष्ठ सल्लाहाकार झलक बरालले सल्लाहा सुझाव सहित बिदाई मन्तव्य दिएका थिए ।

प्रमुख अतिथी नरेन्द्र राइले आफ्नो बिचार प्रस्तुत गर्दै आयोजक संस्था र उपस्थित सबैलाई धन्यवाद साथै शुभकामना ज्ञापन गरेका थिए । अध्यक्ष गुरूड़ले कार्यक्रमको महत्व, उधेश्य र कार्यक्रमको बारेमा प्रष्ट पार्दै कार्यक्रमको माध्यमबाट नेपाली दाजुभाई दिबहिनीहरू बिच आत्मियता, मित्रता प्रगाढ बन्नेमा आफु बिश्वस्त रहेको बताएर औपचारिक कार्यक्रमलाई समापन भएको घोषणा गरेका थिए ।

दिउँसोको खानपिन सँगै सुरूभएको सांस्कृतिक तथा मनोरन्जनात्मक कार्यक्रममा नेपाली चर्चित गित संगितमा सबै जना भरपुर मनोरन्जनका साथ झुमेका थिए । त्यस्तै कलाकार (Dancer) बहिनी कबिता गुरूड़को डान्स कलाले सुनमा सुगन्ध थपेको थिए र कबिताको डान्स आकर्षणको केन्द्र बनेका थिए । कार्यक्रममा भलिबल, पौडी, छेलो लगायत बिभिन्न खेल प्रतियोगिता समपन्न भएका थिए, भने समय अभावका कारण डोरी तान्ने, बेलुन फुटाई जस्ता अन्य कार्यक्रम छुटेका थिए ।

उल्सान अन्यांङ नेपाली समाज द. कोरियाले आयोजना गरेको Summer Vacation भेटघाट बिदाई तथा बनभोज कार्यक्रम २०२० सोंचे भन्दा बिशेष, सम्झनालायक भएको र भरपुर मनोरन्जन लिएको उपस्थित सबैले प्रतिक्रिया दिएको कुरा अध्यक्ष गुरूङले जानकारी गराएका हुन् ।