ताप्लेजुङ सम्पर्क समिति कोरियाद्वारा आगलागी पीडितलाई राहत वितरण
ताप्लेजुङ सम्पर्क समिति दक्षिण कोरियाले ताप्लेजुङका अग्नी पीडितलाई आर्थिक सहयोग गरेको छ। जिल्ला प्रशासन कार्यालय र नगरपालिकाकाे रहोवरमा २७ घरधूरी साथै जिल्ला फुटबल संघलाई ६ लाख ९२ हजार १ सय ६१ रुपैयाँ राहात वितरण गरिएको थियो।
नगरप्रमूख छत्रपति प्याकुरेल र नगर उप-प्रमूख बम बहादुर भट्टराईद्धारा राहात रकम वितरण गरिएको थियो । पुर्ण क्षति भएको ७ घर परिवारलाई जनही रु.३६,६६६।– रुपैयाँका दरले वितरण गरिएको थियो। बाँकी २४ परिवार मध्ये टीका गुरुङ,मंगल मेन्याङबो र बालमणि बरालले प्राप्त गर्ने रकम आफुभन्दा पीडितहरुलाई नै बितरण गरिदिन अनुरोध गरेका थिए। उक्त रकम प्रशासनको तथ्यांकमा छुट भएका पीडित रत्नबहादुर केसी समेत समावेश गरी पुर्ण रूपमा क्षती भएको ७ घरधनिलाई वितरण गरिएको थियो । त्यसैगरी जिल्ला फुटबल संघसहित २१ घरपरिवारलाई जनही रु.२०,७३८ का दरले सहयोग वितरण गरिएको थियो। राहत वितरण कार्यक्रममा विभिन्न वडाका अध्यक्ष तथा प्रमूख प्रशासकीय अधिकृत र कर्मचारीहरुको सहभागीता रहेको थियो भने ताप्लेजुङ सम्पर्क समिति दक्षिण कोरियाका प्रतिनिधि सञ्चारकर्मी देबराज गुरुङले कार्यक्रम सञ्चालन गरेका थिए।
बैसाख १९ गते राति जिल्लाको सदरमुकाम पुरानाे बैंक लाइनमा आगलागी हुँदा ७ घर पुर्णरुपमा जलेर करोडौंको क्षती हुनुको साथै दर्जनौ परिवार बिस्थापित भएका थिए।
ताप्लेजुङ सम्पर्क समितिको संयोजकत्वमा “आगलागी पिडित राहात अभियानमा २२४ जनाले सहयोग गरेको समितिका उपाध्यक्ष संकर राईले जानकारी दिएका छन्।
यस अभियानमा सकृय रुपले लाग्नुहुने दीर्ज काङ्भा, बिनाेद सावदेन, शुक्र लिम्बु, निशा चोङबाङ लिम्बू, मिराक पंधाक लिम्बू लगायत आर्थिक सहयोग गर्ने कोरियाबासि नेपालीहरुलाई समितिका अध्यक्ष हेम्बु इजम महासचिव सागर माङमु र कोषअध्यक्ष शान्तिला पालुंवा द्वारा संयुक्त रुपमा धन्यवाद व्यक्त गरेका छन्।
