काभ्रेलीलाई विपत सहयोग समूहको राहत
मन्जु गुरुङ
काठमाडौं, अहिले नेपालमा भूकम्प प्रभावितहरुलाई राहत बाढ्ने स्वदेशी तथा विदेशी समूहको संख्या दिन प्रति दिन बढ्दो छ । यसै मेसोमा काठमाडौंमा जोरपाटी नयाँ बस्तीका बासुकी टोलबासीहरुको समूह विपत सहयोग समूहले पनि काभ्रेको दाप्चा क्षेत्रबास गाविस ५ का बासिन्दालाई राहत बाढेर आफनो अभियान शुरु गरेको छ ।
हाल सो स्थान काँशीखण्ड नागरपालिका वाड नम्बर १३ मा पर्छ । जहाँ रहेका ६८ घरधुरीका बासिन्दालाई प्रति घरधुरी १ बोराको दरले ७० बोरा चामल र केही कपडा विहिबार वितरण गरेका थिए । सो स्थानमा केही पूर्ण भत्केका त कति आँशिस भत्केका घरका बासिन्दाहरुलाई कतैबाट पनि राहत पाउन नसकेको सुनेपछि समूहका १५ सदस्यहरुबाट आर्थिक संकलन गरी चामल दिन आएका समूहका अध्यक्ष लेक कुमारी पुडासैनीले जानकारी गराए ।
नगरपालिकाबाट एउटा पाल र १० केजी चामल बाहेक कतैबाट केही नपाएको गुनासो गर्दै स्थानिय बासिन्दा वीर बहादुर तामाङ पहिलो पटक एक घरमा एक बोरा चामल पाएकोमा खुशी भएका थिए । सबैजना सबै घर भत्केको गाउँमा मात्रै राहत बाढ्न जान्छन तर हामीलाई कसैले पनि राहत बाढ्न नआएको गुनासो उनीहरुको थियो । कसैको ध्यान नपुगेको वास्तविक पीडितलाई नै राहत दिन पाएकोमा सन्तोष व्यक्त गर्दै समूहका सदस्यहरुले आगामी दिनमा चर्केर भत्किन लागेका घरहरु भत्काएर सहयोग गर्ने योजना पनि रहेको जानकारी गराए ।
