हालसम्म ५८ जना नक्कली प्रशिक्षार्थी मार्फत परिक्षा दिएर आएका नेपाली पक्राउ : ५३ जनालाई नेपाल फिर्ता ५ जना अध्यागमनको नियन्त्रणमै
कोरियाली अध्यागमन बिभागले एक विज्ञप्ती मार्फत हालसम्म ५८ जना नेपाली पक्राउ परेको जनाएको छ । यस मध्ये ५३ जनालाई नेपाल टिर्पोट गरिएको र ५ जनालाई थप अनुसन्धान गरिरहेको अध्यागमन बिभागले जनाएको छ ।
कोरियाली भाषा परिक्षाको प्रवेश पत्रको फोटो र कोरिया प्रवेश गरेर एलियन कार्ड(परिचय पत्र) बनाउने समयमा अध्यागमनले खिचेको फोटोको आधारमा धेरै नेपालीलाई पक्राउ गरेको गैह्र आवासिय नेपाली संघ दक्षिण कोरियाकी निवर्तमान अध्यक्ष लक्ष्मी गुरुङले बताईन । ‘जाँच दिने समयको फोटोसँग अहिलेको फोटो फरक पर्दा पक्राउ परेका छन् । अहिले पाँच जना अरुको परिक्षा दिनेहरुलाई थप अनुसन्धान गर्न नियन्त्रणमै राखिएको छ । ’ गुरुङले भनिन् ।
अनुहार मिल्ने साथिलाई भाषा परीक्षा लेख्न लगाई कोरिया आएको भन्ने सूचनाका आधारमा एकजनालाई पक्राउ गरिए पछि कोरिया भरि नै नेपालीको संख्या ठुलो हुन सक्ने भन्दै अध्यागमले अध्ययन सुरु गरेको थियो । पक्राउ परी नेपाल फिर्ता हुनेहरुमा कोरिया आएको तीन महिना भएदेखि साढे तीन वर्ष बसेकासम्म कोरियामा काम गरेका नेपाली छन् ।
वइजम्बुबाट पक्राउ परेको एक नेपालीको कोरियाली भाषा परिक्षा दिँदा र अहिले प्रयोग गरेकोे हस्तक्षर नमिलेका कारण पक्राउ परेका छन् । सोही क्षेत्रमा भाषा अनुबादकका काम गर्दै आएका मुक्त गुरुङले पक्राउ गर्नु अघि विभिन्न तरिकाले शंकास्पद व्यक्तिहरुको पहिचान गर्ने गरेको बताउँछन् । ‘मैले चिनेको भाइलाई हस्तक्षर नमिलेको आधारमा पक्राउ गरेर केरकार गरेका रहेछन् । पछि उनले आफूले अरु नै मान्छेलाई जाँच दिन लगाएको स्विकार गरेकोले नेपाल फिर्ता पठाएको रहेछ ।’
अरुको नाममा परिक्षा दिने वा अरुलाई दिन लगाउने गम्भिर अपराध भएको कोरियन अध्यागमन बिभागले भनेको छ । कोरियाको कानुन अनुसा यस्ता क्रियाकलप गर्नेलाई तीन बर्ष जेल वा दुई करोड वन जरिवाना हुन सक्ने जनाएको छ ।
रोजगार अनुमति प्रणाली इपिएस मार्फत दक्षिण कोरिया आउने १६ वटा देशहरु मध्ये फिलिपिन्स र भियतनामबाट पनि नक्कली परिक्षार्थीले परिक्षा दिने गरेको भए पनि नेपालको जस्तो समस्या भने नभएको यहाँको अध्यागमन विभागले बताएको छ ।
