किम्हेमा तमु ल्हाेसार भब्य रूपमा सम्पन्न तथा तमु आवास गृहकाे उद्घाटन

कोरियाको दक्षिण भेग किम्हेमा पनि यहि जनवरि १२ तारिख अाईतबारका दिन  तमु ल्हाेसार भब्य रूपमा सम्पन्न भएकाे छ।
किम्हे स्थित लुम्बिनी रेष्टुरेण्टकाे हलमा बिगतका बर्ष जस्तै यस बर्ष पनी आयोजक तमू धी ख्यङसाङनाम्दो बुसान शाखा र सह आयोजक तमु समाज खजेदोले ल्हुता प्रेतामा आधारित गुरूङ(तमु ) जातिको मौलिक चाड तमु ल्हाेसार पर्व भब्य रूपमा मनाएकाे हाे।

गुरूङ जातिकाे अाफ्नाे माैलिक भाषा, भेष भुषा, संस्कार संस्कृती, परम्परालाई बचाई राख्ने ,प्रबर्दन गर्ने, महत्वपुर्ण उद्देश्य सहित फो ल्हो (मृग बर्ग ) लाई बिदाई गर्दै च्यू ल्हो (मुसा वर्ग ) लाई स्वागत गरी शुभकामना आदान प्रदान गरिएकाे थियाे।
उत्त ल्होसार कार्यक्रममा तमूधी दक्षिण कोरियाको केन्द्रिय अध्यक्ष जित गुरूङ प्रमुख अतिथीको रूपमा रहेका थिए भने बिशिष्ट अतिथीको रूपमा NRNA दक्षिण काेरियाका अध्यक्ष यज्ञ राज सुवेदी र नेपाली गित संगीतको क्षेत्रमा अतुलनीय योगदान पुर्याउनु भएका लोक पारखीहरूको मन मुटुमा बस्न सफल गायिका इन्द्रा गुरूङ रहेका थिए ।

तमुधि बुसान शाखाकाे अध्यक्ष अनिस गुरूङकाे अध्यक्षतामा महासचिब गीतासिंह गुरूङले कार्यक्रम संचालन गरेका थिए। संस्थाकाे बरिष्ठ सल्लाहकार गाेपाल गुरूङले मन्तब्यले स्वागत गरेका थिए भने सल्लाहकार कर्ण गुरूङले ल्हाेसारकाे बारेमा प्रकाश पारेका थिए।

साेहि कार्यक्रममा तमुधिं बुसान शाखाले स्थापना गरेकाे तमु आवास गृहकाे उद्दघाटन पनि भएकाे थियाे।

दाेश्राे चरणकाे साॅंस्कृतीक कार्यक्रम संस्थाका उपाध्यक्ष फिलिप गुरूङले सन्चालन गरेका थिए ।
संस्थाको सक्रिय सदस्य तथा प्रतिभाशालि कलाकार आशा गुरूङ र सुनिल गुरूङको स्वागत डान्स संगै सुरू भएको साॅंस्कृतिक कार्यक्रममा अन्याड. नेपाली समाज उल्सानको बहु प्रतिभाशाली डान्सर रामु मगरले कमेडी डान्स प्रस्तुत गरी सबैलाइ हसाएका थिए । गायिका इन्द्रा गुरूङको प्रस्तुतीमा उपस्थित सबैजना झुमेका थिए ।लगतै संस्थाका गायक बुद्दी गुरूङ र हेमन्त गुरूङले उत्कृष्ट गायन प्रस्तुती दिदैं सम्पुर्ण दर्शकलाई नचाउन सफल भएका थिए।

उपस्थित पाहुना महानुभाव लगायत सबैले सेल रोटी र नेपाली खानाको बिभिन्न परिकारको स्वाद संगै भरपुर रमाइलो गरेका थिए । कार्यक्रममा तमु तथा गैह्र तमु गरि सय जना भन्दा बढिकाे उपस्थिति रहेकाे थियाे।
कार्यक्रम सफल बनाउन सहयाेग गर्ने पदाधिकारी,उपस्थित पाहुना तथा अथितिहरूलाई अध्यक्ष अनिस गुरूङले विशेष धन्यबाद प्रदान गरेका थिए।