घन्किने भो 1974 AD सुबिधा सम्पन्न Yes24 लाइभ हलमा
कोरियन नयाँ वर्ष सलनालको दोश्रो दिन जनवरी २५ मा हुने 1974 AD लाइभ कन्सर्टका लागि हल तय भएको छ। कोरियाको उच्च स्तरको अत्याधुनिक Yes24 Live Hall मा 1974 AD घन्किने ओखलढुंगा सेवा समाजका अध्यक्ष श्रीराम तमूले जानकारी गराएका छन्। हल जानका लागि सार्वजनिक बसहरु पनि छन् भने ५ नम्बर ट्रेन लाइनको ख्वाङ्नारु स्टेसनको गेट नं. २ बाट ३ मिनेट पैदलमा पुग्न सकिने छ। उक्त हलमा यस अघि बिपुल क्षेत्री, दिपक बज्राचार्यको ब्याण्डले समेत कार्यक्रम गरेको थियो।
ओखलढुंगा जिल्लामा स्वास्थ र शिक्षामा पहुच नभएकाहरुको सहयोगार्थ गर्न लागिएको सांगीतिक कार्यक्रममा भोइस अफ नेपाल सिजन २ का प्रतियोगी मेचू धिमाल र अञ्जु राना मगरको समेत बेजोड प्रस्तुति रहने छ। आउँदो आइतबार उक्त लाइभ कन्सर्टको पोष्टर सार्वजनिक गरिने कार्यक्रम रहेको आयोजकले जनाएको छ।
