कोरियामा स्मार्ट फोन चोर्ने प्रबन्धक पक्राउ
रोशन राई
सोल – एक स्टोर प्रबन्धकले एक लाख डलर बराबर करीब एक करोड रुपैयाँको स्मार्टफोनहरु चोरी गरेको आरोपमा मंगलबार पक्राउ परेको छ ।
चोइ नाम गरेका बर्ष २० को शसंकित ती ब्यक्ती जम्मा एक सय पैतिस स्मार्टफोनहरु चोरेको आरोपमा उनले काम गर्ने स्थानबाटै सोलस्थित गुरो प्रहरीद्वारा समातिएका हुन । उनले डिसेम्बरदेखी मात्रै काम गर्न थालेका थिए ।
प्रहरीका अनुसार उनले महँगो र लेटेस्ट मोडेल जस्तै ज्ञालेक्सी एस सिक्स एज र आईफोन सिक्स चोरेका थिए ।
“कुनै त्यस्तो ठूलो उद्देश्य साथ अनलाईन चोरी सुरु नगरेको तर केहि पैसा प्राप्ती हुँदै गएपछि लतको रुपमा चोर्ने बानी बसेको ” योन्हाप समाचार समितिलाई उधृत गर्दै चोइले भने , “मैले सबै पैसा गुमाएता पनि कसैलाई जित्ने चाहानामा आफ्नो यो लत रोक्न सकिन |’ उनले भने ।
प्रहरी प्रशासनको अनुसार स्टोर प्रबन्धक को रुपमा चोइले प्रती महिना २.५ मिलियन वोन तलब पाउने गरेका थिए ।
उता स्टोर मालिक बर्ष ३४ का किमले चोइलाई निकै मिहिनेती र इमान्दार देखेर प्रबन्धक निर्देशकको रुपमा नियुक्ती गरेका थिए ।
त्यस्तै चो,रीका फोनहरु किनेको शंकामा अन्य चार जना ब्यक्ती समेत समातिएको संचार माध्यमले जनाएको छ ।
