चौथो स्याङ्जा कप २०१९ को उपाधि बाग्लुङ् समाजको पोल्टामा
नेपाल कोरिया भलिबल संघको मातहतमा रहेर स्याङ्जा परिवार दक्षिण कोरियाद्वारा आयोजित सिजनको पहिलो मैत्रीपूर्ण भलिबल प्रतियोगिता चौथो स्याङ्जा कप २०१९ को उपाधि बाग्लुङ समाज कोरियाले जितेको छ ।
अनुशासन र स्वास्थ्यको लागि खेल, मनोरञ्जनका साथ प्रवासमा नेपालीको मेल भन्ने मूल नाराका साथ आइतबार भएको प्रतियोगितामा कुल १२ टिमको सहभागिता रहेको थियो ।
जसमा पोल ए बाट क्वार्टरफाईनलमा पर्वत समाज लाई सेमीफाईनलमा सिहुंसि आन्सान दक्षिण कोरियालाई पराजित गरि बाग्लुङ समाज दक्षिण कोरियाले फाईनलको यात्रा तय गरेको थियो भने पोल बी बाट प्रिक्वार्टरफाईनलमा थर्ड आईज थेसु लाई क्वाटरफाईनलमा म्याग्दी मोनालाई सेमीफाईनलमा विश्वकर्मा समाजलाई पराजित गरि फाईनलको यात्रा तय गरेको थियो । अत्यन्तै प्रतिस्पर्धात्मक फाईनल खेलमा आयोजक स्याङ्जा परिवार ए लाई १-२ सेटले पराजित गर्दै बाग्लुङ समाजले उपाधि चुम्न सफल भएको थियो। उपाधि संगै विजेता टिमले कप, नगद १३ लाख वन र प्रमाणपत्र हात पार्न सफल भयो भने उपविजेता टिमले कप, नगद १० लाख वन र प्रमाणपत्र हात पार्न सफल रह्यो। यसैगरि सिहुङ्सी आनसान र विश्वकर्मा समाजले नगद ३लाख ५० हजार वनको दरले सान्तवना स्थानमा चित्त बुझाउनुपर्यो।
प्रतियोगिताको उत्कृष्ट खेलाडी बाग्लुङ समाजका जर्सी नं ४ का खेलाडी रमेश थापा भएकलाई घोषित गरियो र उहांले नगद, कप र प्रमाणपत्र प्राप्त गर्यो।प्रतियोगितामा खेल सञ्चालनको लागि राष्ट्रिय रेफ्रि अमित रानाको संयोजकत्वमा राष्ट्रिय रेफ्रि श्रवण श्रेष्ठ, राष्ट्रिय रेफ्रि डिलु बिरकट्टा मगर, राष्ट्रिय रेफ्रि लोकेन्द्र भट्टचन र राष्ट्रिय रेफ्रि दिपक थापा रहेका थिए ।
आयोजक स्याङ्जा परिवारका अध्यक्ष युवराज गुरुङको सभापतित्वमा सम्पन्न प्रतियोगिताको उद्घाटन,समापन र पुरस्कार वितरण कार्यक्रममा एनआरएनए कोरियाकी अध्यक्ष लक्ष्मी लामा गुरुङको प्रमुख अतिथ्यता रहेको थियो भने नेपाल कोरिया भलिबल संघका संयोजक भजिन्द्र क्षेत्री र एनआरएनए कोरियाका बरिष्ठ उपाध्यक्ष बिपिन गुरुङको बिशेष अतिथ्यता संगै विभिन्न संघसंस्थाका अध्यक्ष एवं प्रतिनिधिहरुको अतिथ्यता र कोरिया विभिन्न भूभागबाट आएका खेलाडी तथा खेलप्रेमी दर्शकहरुको उल्लेख्य उपस्थिति रहेको थियो।
बिहान ११ बजेबाट बेलुकी ९ बजेसम्म सञ्चालन भएको प्रतियोगिता चौथो स्याङ्जा कप २०१९ लाई सफल पार्न सहयोग गर्नुहुने सम्पूर्ण व्यक्ति तथा संघसंस्थाहरुलाई सभापति युवराज गुरुङले धन्यवाद ज्ञापन गरेका थिए । प्रतियोगिताको औपचारिक कार्यक्रम स्याङ्जा परिकार दक्षिण कोरियाको केन्द्रिय सचिव भक्त थापाले सञ्चालन गरेका हुन् ।
