कोरियाबाट खेल मैदान बनाउन सहयोग
फोनिज कोरिया संवाददाता
सोल-कोरियामा रहेका तेह्रथुम पौठाकबासीहरु वार्ड नं ४ डाडागाउमा ५ लाख ५० हजार रुपैयाँको लागतमा खेल मैदान निर्माण गरि दिएका छन् |
स्थानीय शारदा निमाबी र संसारी सुपर स्टार युवा क्लबको संयुक्त स्वामित्वमा रहने गरि निर्माण गरिएको खेल मैदान ८० मिटर लम्बाई र ४२ चौडाई रहेको छ |
संसारी सुपर स्टार युवा क्लबका पूर्व अध्यक्ष सन्त पंधाकका अनुसार उक्त खेलमैदान पहिले निजी स्वामित्वमा रहि बारीको रुपमा थियो। बि.स. २०६० साल माघमा तत्कालिन युद्दरत ने.क.पा.(माओबादी) को बिशेष पहलकदमी र अनुरोधमा उक्त जग्गा धनीको मन्जुरी लिएर जनमुक्ति सेनाको एउटा कम्पनी, स्थानिय संसारी सुपर स्टार यूवा क्लब ,वाड्नं. १ ,२,३ र र ४ का जनताको संयुक्त जनश्रमदानबाट निर्माण गरिएको कोरियामा कार्यरत पंधाकले बताए |
जब देशले शान्ति प्रक्रियामा प्रबेस गरेसंगै शारदा नि.मा.विको केहि रकम ,स्थानिय प्रबासी युवाहरुको केहि रकम सहयोग र स्थानिय क्लबका युबाहरुको केहि रकम सहयोगबाट उक्त खेल मैदान निजी स्वामित्वबाट त्यस बिधालयको नाममा दर्ता पास गरिएको थियो
उक्त खेल मैदान निर्माणसंगै संसारी सुपर स्टार युवा क्लबले उपयोग, संरक्षण,संबर्दन र प्रबर्दन, बिस्तार तथा सम्याउने कार्य गर्दै खेल प्रतियोगिताहरु पनि निरन्तर रुपमा गर्दै आइरहेको छ। हाल दक्षिण कोरियामा कार्यरत उक्त क्लबका भू.पू.पदाधिकारी, सदस्य र खेलाडीहरुको सामूहिक छलफल र निर्णयबाट उनीहरुकै बिशेष पहलकदमी र आर्थिक सहयोग रहेको छ।
उनीहरुले सामूहिकरुपमा कोरियामा कार्यरत पौठाकबासीहरुका साथै अन्यहरुसंग र कोरीया बाहेकका अन्य मुलूकमा कार्यरत पौठाक ४ बासीहरुसंग आर्थिक सहयोगको अनुरोध गर्दै स्थानिय स्तरमा रहेका उक्त क्लवका युवाहरुसंग समन्वय गरी निर्माण समिति बनाइ उक्त समितिको मातहतमा स्काभेटर लगाएर खेलमैदान खन्ने कार्य गत जुन १९ मा सम्पन्न भएको छ।
प्राङ्गण छेउछेउको खनिएको जग्गा कसैको मुआब्जा तिरेर र कसैले निशुल्क प्रदान गरेकाछन्।
