एनसीसी दलीय प्रभावबाट मुक्त होस्– जनसम्पर्क समिति

फोनिज कोरिया संवाददाता

सोल-नेपाली कांग्रेसको कोरिया संगठन नेपाली जनसम्पर्क समितिले एनसीसीको नयाँ कार्य समिति दलीय चिन्तनबाट मुक्त भएर निर्माण गर्नुपर्ने जनाएको छ | उसले एक बिज्ञप्ति जारि गर्दै पुरानो ईतिहास बोकेको संस्था नेपाली सम्पर्क समिति दलीय चिन्तनबाट मुक्त भएर सबै क्षेत्र, जात,जाती ,धर्म, महिलाको समान प्रतिनिधित्व होस भन्ने आफ्नो स्पस्ट धारणा रहेको जनाएको हो |

‘यसको नेतृत्व गर्न राजनीतिकरण गर्नुहुँदैन, स्वच्छछविको सामाजिक व्यक्तित्वबाट चयन हुनुपर्छ र एनसीसीलाई मजबुत र बलियो बनाउन अब आउने नयाँ कार्यसमितिमा दलिय किसिमले निर्णय गरेर जानूहुँदैन,|’ समितिद्वारा जारी बिज्ञप्तिमा उल्लेख छ |

समितिले एनसिसीको नेतृत्व गर्न नेपाली जनसम्पर्क समितिले कुनै व्यक्तिलाई आधिकारिक उम्मेदवार नबनाएको पनि प्रस्ट पारेको छ |

कोरियामा रहेका संस्थाहरु एक आपसमा मिलेर अगाडि बढ्नुपर्ने भावना आफ्नो सस्थाको रहेको भन्दै समितिले दुई दर्जन कृयाशिल संघसंस्थाहरुले मर्स नामक ज्यानमारा भाईरसको डर कायम रहदै गर्दा नेपाली सम्पर्क समिति, कोरियाको अधिबेशन केही समय स्थगित गर्न गरेको अनुरोधलाई एनसीसीले वेवास्ता गरेकोप्रति गहिरो खेद प्रकट गरेको छ ।

बिज्ञप्तिमा वर्तमान परिस्थितिमा जुन निर्णय नहुनु पर्ने थियो त्यही निर्णय एनसीसीले गरिसकेकोले अब सबै संघसंस्थाहरु र नेपाली समुदाय मिलेर आउदो २८ तारिख आइतबार हुने अधिबेशन सफल पार्नुको विकल्प नभएको पनि समितिले जनाएको छ |

समितिका सभापति नबराज शिवाकोटीद्वारा जारी बिज्ञप्तिमा कोरियामा रहेका नेपालीहरुले एकताको सन्देश दिन र नेपालमा गएको बिनासकारी भूकम्पको र कोरियामा रहेको मर्सको पीडा कम गर्न सहमतिमा कार्य समिति चयन गर्नुपर्ने जनाइएको छ |