मर्स नियन्त्रण गर्न नसकेको भन्दैं सामसुङले माफी माग्यो
ऐश्वर्य श्रेष्ठ
सोल-सामसुङ इलक्ट्रोनिक्सका उपप्रमुख लि जे योंगले मर्स भाइरस नियन्त्रण बाहिर जानुमा सामसुंगसंग आवद्ध अस्पतालहरु प्रमुख जिम्मेवार रहेको भन्दैं माफी मागेका छन् ।
मिडल ईस्ट रेसपिरेटरी सिन्ड्रोमको उपचारमा आवद्ध रहेको सामसुंग अस्पताल मर्स फैंलिनुमा प्रमुख जिम्मेरवार रहेको आरोपहरु सर्वसाधारणले लगाउन थालेपछि मंगलबार आधिकारिकरुपमा उपप्रमुख लिले माफी मागेका हुन् ।
एक पत्रकार सम्मेलनमा सर्वसाधारणसंग माफी माग्दैं उपप्रमुख लिले भने ‘मर्सबाट संक्रमित भई मृत्यु भएकाहरुको आत्माले चीर शान्ति पाओस भन्ने कामना गदैं शोकसन्तप्त परिवारप्रति गहिरो समवेदना प्रकट गर्न चाहन्छु ।’ यो रोगबाट संक्रमित हुनु भएका सबैंसग म माफी चाहन्छु ।’ लीले भने ।
सामसुङ मेडिकल सेन्टरले मर्स नियन्त्रणमा सावधानी नअपनाएकोमा सामसुंग समुहले पहिलो चोटी यसरी सर्वसाधारणसंग सार्वजनिक रुपमा माफी मागेको हो ।अस्पतालले भने यस अघि २ चोटी माफी मागीसकेको छ ।
हाससम्ममा मर्सको कारण दक्षिण कोरियामा २७ जनाले ज्यान गुमाइसकेका छन्, भने १ सय ७५ जना यो रोगबाट संक्रमित रहेका छन् ।मे २० तारिखमा पहिलोचोटी मर्सको बिरामी कोरियामा भेटिएको थियो भने यो रोगको सन २०१२ मा साउदी अरबमा भेटिएको थियो ।
