‘सम्झना’को यात्रा मोडलदेखि गायिकासम्म

रोशन राई

सोल- पुर्ख्यौली बसोबास भोजपुर खावा हुँदै २०६६ सालमा बिराटनगरको जनपथ माध्यमिक बिधालयबाट एसएलसी उतीर्ण गरेपछी अध्यायनको सिलशिलामा काठमाण्डौं आईपुगेकी सम्झना राई अध्यायनसँगै मोडलिङतिर जम्दै गएकी छिन् ।

उनि अहिले डिल्ली बजार कन्या कलेजमा अध्ययन गर्छिन र संगै मोडलिङमा अभ्यास गरिरहेकी छिन् | छोटो समयमै उनका धेरै फ्यानहरु बनेका छन् । उनले अभिनय गरेको केहि म्युजिक भिडियोहरु रिलिज भइ सकेका छन भने केहि आउदो दशैंसम्ममा रिलिज हुने साइत पर्खेर बसेका छन् |

बहु-प्रतिभा भएकी सम्झना मोडलिङ हुँदै बिस्तारै गायनतिर पनि लागेकी छिन ।नेपालकै ख्यातीप्राप्त संगितकार शान्तिराम राईको रचना तथा संगीतमा रहेको ‘भो तिमीसँग नजाने , माया नलाउने ‘को गीतमा मोडल तथा सुमधूर   आवाज दिएकी छिन् ।

गीत रेकर्ड पश्चात संगीतकार शान्तिराम राईले प्रतिकृया दिँदै भने ‘उनी अब मोडलिङमा मात्रै सीमित रहेनन ,उनीमा ब्यबसायिक गायिका बन्ने राम्रो सम्भावना छ ।‘ संगीतकारले मोडेल तथा गायिका राईको सुमधूर स्वरमा रेकर्ड भएको गीतको म्युजिक भिडियो पनि चाँडै बन्ने समेत जानकारी दिए ।

मोडल तथा गायिका सम्झना राईले स्वर भरेकी गीतको एक अंश यस्तो रहेको छ :

भो तिमीसँग नजाने, माया नलाउने,

मसँग कुरा गर्ने, अर्कैलाई आँखा लाउने ,

मसँग प्रेम गर्ने, अर्कैलाई मुटु दिने ,

भो तिमीसँग नजाने, माया नलाउने ।