एसएलसीमा अनुत्तिर्ण भए पछि दुई किशोरीद्वारा आत्महत्या
फोनिज कोरिया संवाददाता
काठमाडाैं – शुक्रबार सार्वजनिक एसएलसी परीक्षाको नतिजामा अनुत्तिर्ण भएपछि मोरङको उर्लाबारीकी–७ की १७ वर्षीया लक्ष्मी खड्काले शुक्रबार साँझ झुन्डिएर आत्महत्या गरेकी हुन् । स्थानीय सुनपकुवा उच्च माविबाट २०७१ को एसएलसी दिएकी उनी विज्ञान बिषयमा अनुत्तीर्ण भएकी थिइन् ।
विज्ञानमा फेल भएको खबर पाएछि निराश बनेकी उनको शव शुक्रबार साँझ साढे ६ बजे झुण्डिएको अवस्थामा स्थानीयबासीले घरैमा भेट्टाएका थिए |
त्यसै गरि बाँकेको खजुरास्थित बागेश्वरी–५ मनकानापुरकी १७ वर्षीया सीता भण्डारीले आत्महत्या गरेकी हुन् । नेरा मावि मनकामनापुरबाट एसएलसी दिएकी उनलाई विज्ञान बिषय लागेको थियो । विज्ञानमा ७ नम्बर कम आएपछि उनी फेल भएकी थिइन् । ५ ग्रेस मार्क दिँदा पनि उनलाई २ नम्बर पुगेको थिएन ।
घर कोही नभएको अवस्था माथिल्लो तलाको सिलिङमा झुण्डिएर भण्डारीले आत्महत्या गरेकी थिइन् |
