बुद्ध मुर्ति ल्याउन ७० प्रतिशत रकम जुट्यो -मुर्तिको मूल्य २२ लाख ५० हजार रुपैयाँ
अमिर योञ्जन तामाङ
कोरियामा नेपालबाट बुद्धको मुर्ती ल्याएर प्रतिस्थापन गर्नका लागि आर्थिक संकलन तीब्र रुपमा भइरहेको छ ।
तामाको मानव निर्मित मुर्तिको मूल्य र मुर्ति ल्याउने खर्चको ७० प्रतिशत रकम संकलन भएको छ । अभियान शुरु गरेको एक महिनाको अवधिमा २ करोड ७७ लाख २६ हजार ६ सय १५ कोरियन वान जम्मा भएको छ । मार्च ४ आइतबार दोङ्देमुनमा एक पत्रकार सम्मेलन गर्दै सो रकमको बिवरण आर्थिक संकलक भक्त शेरचनले जनाकारी दिएको हो । मुर्तिको मूल्य, कुरिएर भाडा र कर खर्च गर्दा लगभग ४ करोड कोरियन वान (४० लाख रुपैयाँ) लाग्ने अनुमान छ ।
कोरियाको पर्यटकीय क्षेत्र योङिनस्थित वाउछाङ्सा गुम्बा परिसरमा उक्त मुर्ती राख्नेछन् । मुर्तिको मूल्य ललितपुरको एक आर्टमा २२ लाख ५० हजारमा सम्झौता भइसकेको पत्रकार सम्मेलनमा जनाकारी दिए । मुर्तिको उचाई ७ फिट अग्लो र ४५० देखि ५०० केजीसम्मको तौला हुने अभियानका अभियान्त लोचन राईले जनाकारी दिए । मुर्तिलाई पाँच भागमा ल्याउने जनाएको छ ।
त्यस गुम्बामा नेपालको झण्डासहित बुद्धको मुर्ती बुद्धको जन्मजयन्तीको अवसरमा बृहत कार्यक्रम गरि राखिने छन् । नेपालबाट मुर्ति ल्याइसकेपछी राजधानीमा नगर परिक्रमा गर्ने जनाएको छ । मूर्तिलाई यहाँ मे पहिलो सातासम्म ल्याइसक्ने अभियानका संयोजक एवं नेपाली सम्पर्क समितिका अध्यक्ष अन्जु केसीले बताइन् । संयोजक केसीले `बुद्ध नेपालमा जन्मेको हो´ भन्ने सन्देशलाई नै बलियो बनाउँन यो अभियानले सहयोग पुग्ने बताइन् । उनले भनिन् यो पबित्र अभियान भएकोले सबैले सक्दो सहयोग गर्न अनुरोध गरिन् । अभियानको अवधी मे २२ तरिक सम्मको रहेकोले यहाँ रहेको संघसंस्थालगायत सम्पुर्ण मित्रहरुमा सहयोगको अपिल गरिन् ।
पत्रकार सम्मेलनमा विभिन्न संघसंस्थाका प्रतिनिधि, एनआरएनएका अध्यक्ष लक्ष्मी लामा गुरुङ, नेपाल बौद्ध परिवारका अध्यक्ष पेम्बा दोङ्बा ह्योल्मो, सोल गुम्बाका लामा प्रमुख कुनसाङ दोर्जे लामा लगायतका ब्याक्तित्वहरु उपस्थिति थियो ।
बुद्ध मुर्तिलाई नेपाली सम्पर्क समितीको संयोजनमा र नेपाल बौद्ध परिवार कोरियाको सहकार्यमा यहाँ ल्याउन लागेको छ ।
