कोरियाको सीपलाई नेपालमा राष्ट्रपति पुरस्कार
गीता राना
पोखरा -स्याङजा परिवार दक्षिण कोरियाका संस्थापक अध्यक्ष छ्याम थापा क्षेत्रियस्तरको उत्कृष्ट राष्ट्रपति कृषक पुरस्कारबाट सम्मानित भएका छन । थापालाई पश्चिमाञ्चल क्षेत्रिय प्रशासक दिनेशकुमार थपलियाले दोसल्ला ओढाइ सम्मान गरेका थिए ।
थापालाई सम्मान गर्दै क्षेत्रिय प्रशासक थपलियाले कृषि राष्ट्रको मेरुदण्ड भएको वताए । कृषि क्षेत्रमा सरकारले लगानी गर्न नसकिरहेको वेला निजी स्तरमा ब्यबसायिक कृषिबाट मुलुकलाई आर्थिक समृदधीतर्फ अगाडी वढाउनमा कृषकहरुको योगदान महत्वपूर्ण रहेको उनको भनाइ थियो ।
पुरस्कारले किसानहरुलाई कृषि क्षेत्रमा लाग्नमा थप प्रेरणा प्रदान गर्ने भन्दै थपलियाले एकजना किसानलाई मात्र नभई सम्पूर्ण कृषिमा लाग्नेका लागी सम्मान भएको समेत वताए ।
त्यस्तै सम्मानित ब्याक्तित्व छ्याम थापाले आफुले कोरियामा सिकेको सिपलाई नेपालमा प्रयोगमा ल्याएको वताउनुभयो । आफु कोरियामा रहदा बङगुर फर्ममा काम गरेको अनुभव सुनाउदै त्यसैलाई नै आफुले प्रयोगमा ल्याउन सफल भएको वताउदै ब्यवशायीक कृषिका लागी सरकारले कम ब्याजमा ऋण प्रदान गरेको खण्डमा नेपालमा ब्यवशायीक कृषि फस्टाउने बताए ।
नेपालमा अझैपनि बङगुर पाल्ने किसान र बङगुरको मासुलाई हेर्ने दृष्टिकोण नकारात्मक भएको वताउदै त्यसप्रति सरकारले बङगुर पालनप्रति किसानलाई प्रेरित हुने खालको कार्यक्रमहरु ल्याउनुपर्नेमा जोड दिए ।
थापासंगै पश्चिमाञ्चलका ५ जना कृषकहरु सम्मानित भएका छन । नेपालको पांचवटै विकास क्षेत्रबाट पुरस्कृत २५ जना कृषक मध्येबाट प्रत्येक बिकास क्षेत्रबाट एकजना कृषकलाई राष्ट्रपतिको हातबाट सम्मान गर्ने कार्यक्रम रहेको क्षेत्रिय कृषि निर्देशनालय पोखराले जनाएको छ ।
