मर्सबाट ज्यान गुमाउने ८० प्रतिशत ६० बर्ष उमेरका

फोनिज कोरिया संवाददाता

सोल-कोरियामा मिडल ईस्ट रेसपिरेटरी सिन्ड्रोम (मर्स ) बाट ज्यान गुमाउनेहरु मध्ये ८० प्रतिशत ६० बर्ष उमेर समुहका रहेका छन् |

कोरियाको स्वास्थ्य तथा जन कल्याण मन्त्रालयले जनाएर अनुसार मृतक मध्ये ९१ प्रतिशत स्वास्थ्य स्थिति नाजुक भएका र अन्य रोगले ग्रस्त भएका संक्रमितहरुको मात्र मृत्यु भएको छ |

बिहिबार ३ जनाको मृत्यु भएका मध्ये मध्ये २ जना ६० बर्षका र १ जना ८२ बर्ष उमेरका थिए | कोरियामा मे २० बाट संक्रमण शुरु भएकोमा हालसम्म २३ जनाको मृत्यु भएको छ |

संक्रमित मध्ये १४ प्रतिशतको मृत्यु भएको पनि मन्त्रालयले जनाएको छ |

त्यस्तै बिहिबार अरु ३ जनामा संक्रमण भेटिएको छ | यो सहित १ सय ६५ जना संक्रमितको संख्या पुगेको छ |

मर्सको आशंकामा ६ हजार ७ सय २९ जनालाई छुट्टै राखेर उपचार गरिएको छ भने २४ जना उपचारपछि फर्केका छन् |