कोरियाबाट पहिलो नेपाली महिला शान्तिले ल्याइन मौलिक सालैजो गीत “पर्ख नानी”
लामो समय देखि कोरियामा कार्यरत लोक दोहोरी गायिका शान्ति गुरुङले पहिलो साङगीतिक कोसेली स्वरुप अत्यन्तै कर्णप्रिय मौलिक सालैजो गीत “पर्ख नानी” दर्शक श्रोताहरु माझ पस्किएकी छिन्।कोरियामै रहेका कुशल सर्जक सि.पी.मगरको शब्द सृजना बहु चर्चित गायक रामजी खाणको लय स्वर र अभिनय पनि रहेको गीत शान्तिले कोरिया कै बबल गम स्टुडियोमा रेकर्ड गराएकी हुन्।
स्याङ्जा जन्मिए पनि अधिकाङ्श परिवार पोखरा बस्ने हुनाले गीतको भिडियो भने पोखरा नया गाउँमा खिचिएको छ।मौसम हिमालीको निर्देशन दुर्गा पौडेलको छायांकन नवीन घर्ती मगरको सम्पादन रहेको गीतमा मुख्य अभिनय रामजी र मनिता गुरुङको रहेको छ।भिडियो खिच्नमा स्याङ्जा तमु धी नयाँ गाउँ पोखराले सहयोग गरेको छ।
बाल्य काल देखि नै गाउने रहर पालेर गाउँ बेसी मेला पातमा गाउदा गाउदै बाध्यता बस करीब १० बर्ष अगाडि कोरिया प्रबेश गरेकी हुन्।सुमधुर स्वरकी धनी शान्तिले कोरियामा पनि धेरै कार्यक्रममा आफ्नो कलाले सबैको मन जितिसकेकी छिन्।छिट्टै शान्तिको प्रदेशिएका छोरी चेलीको भावनालाई समेटिएको एकल गीत कोरियामा नै छायांकन गरी दर्शक श्रोताहरु बिच आउन लागेको पनि गायिका शान्ति गुरुङले जानकारी दिएकी छिन्।
