पोखरामा मगर्स क्रियशन इन्भेस्टमेन्ट कम्पनीले चांडै नै उद्योग व्यवसाय संचालन गर्ने
स्वदेश तथा विदेशमा विभिन्न क्षेत्रमा क्रियाशील नेपालीहरुको सामुहिक लगानीमा स्थापना भएकोे मगर्स क्रियशन इन्भेस्टमेन्ट कम्पनीले हंसिर १६ गते पोखरामा “उद्योग तथा व्यापार व्यवसाय सम्बन्धि सामाजिक सचेतनाका लागि श्रव्य दृश्य प्रस्तुती र कम्पनीको योजनाको बारेमा अन्त्ररक्रिया कार्यक्रम गर्यो ।
कार्यक्रममा कम्पनीको सामाजिक उत्तरदायित्व अन्तर्गत सामाजिक सचेतनाका लागि श्रब्यदृश्य प्रस्तुति गरेको थियो । कम्पनीले पोखरामा बिस्तार गर्न लागेको योजनाहरुको बारेमा बिस्तृत जानकारी दिइएको थियो ।
कार्यक्रममा आफ्नो मन्तब्य राख्नु हुँदै नेपाल मगर महिला संघ कास्की जिल्ला समिति अध्यक्ष फूल कुमारी थापामगरले पनि आउदो दिनमा यस मगर्स क्रियशन इन्भेस्टमेन्ट कम्पनीले पोखरामा सुरु गर्ने उद्योग व्यवसायले पोखरा बासिहरुको लगानीलाई पोखरा मै लगानी गरी रोजगारी उपलब्ध गराउंदा समाजलाई फाइदा पुग्ने बताइन् ।
कम्पनीका संचार प्रमुख श्याम रानामगरले संचालन गर्नु भएको उक्त कार्यक्रममा पोखराका सन्चारकर्मी मिना थापा मगरले स्वागत मन्तब्य राखेकि थिइन भने अनुसन्धान तथा बिकाश निर्देशक प्रतिमाया पुन मगरले कम्पनीको बारेमा प्रकाश पारेका थिए ।
कार्यक्रममा कम्पनीका अध्यक्ष तथा कार्यकारी अधिकृत आशिर्वाद पुन मगरले कम्पनीले पोखरामा सुरु गर्न लागेको उद्योग व्यवसायहको बारेमा बिस्तृत जानकारी दिएका थिए ।
