मर्सको लक्षण देखिए १०९ मा डायल गरेर नेपालीमै जानकारी लिऔं / अबैधानिकलाई कुनै जरिवाना नलाग्ने
फोनिज कोरिया संवाददाता
सोल-कोरियामा रहेका नेपालीहरुले मर्सबारे नेपालीमै जानकारी लिन सक्ने भएका छन् | यहाँको सरकारले यस मर्सबारे आधिकारिक सूचना र परामर्शका लागि मर्स हटलाइन टेलिफोन सेवा मंगलबारबाट शुरु गरेको छ ।
मर्सको लक्षण देखापरेका वा यसबारे जानकारी लिन चाहने नेपालीले १०९ को हटलाइनमा फोन गर्न सक्नेछन | कोरिया सरकारले यो सुबिधा नेपालीसहित १९ भाषामा उपलब्ध गराएको छ | सरकारले देशमा अबैधानिक रुपमा बसेका बिदेशी कामदारहरुलाई मर्सको लक्षण देखा परे कुनै जरिवाना नगरिने पनि जनाएको छ |
त्यस्तै सरकारले मर्स संक्रमित, मृत्यु, मर्स बिरामीहरुको उपचार भइरहेका स्वास्थ्य संस्थाका बारेमा जानकारी गराउन www.mers.go.kr मा ल्याएको छ |
