छल्लानाम्दो ख्वाङ्जुमा ‘दशै तिहार धमाका डान्स पार्टी’ हुने
छल्लानाम्दो ख्वाङ्जुमा यहि २१ तारिक शनिबारका दिन ‘दशै तिहार धमाका डान्स पार्टी’ हुने भएको छ । नेपालिहरुको दोस्रो ठुलो चाड भाइटिकाको अबसर पारेर सबैलाइ मनोरन्जन दिलाउन डान्स पार्टीको आयोजना गरेको आयोजक टिमले बताएको छ ।
पिस एण्ड ब्राइट युथ ग्रुपको सकृयता र आयोजनामा हुन गैरहेको उक्त डान्स पार्टीलाई चर्चित डिजे ‘के-नोन’ ले आफ्नो म्युजिकल प्रस्तुत दिने बताइएको छ । बेलुका १० बजेदेखि बिहान ४ बजे सम्म ननस्टप म्युजिकमा रमाउन सकिने समेत आयोजकले बताएको छ ।
उक्त डान्स पार्टीलाई भब्य रुपमा सफल पार्न आयोजकका तर्फबाट कुनै कसुर बाकी नराखेको आयोजक टिमका सदस्य बिनोद परियारले बताएका छन् । यो ग्रुपले बिगतका दिनमा पनि डान्स पार्टी आयोजना गरेर नेपाली दाजु भाइ दिदी बहिनीहरुलाइ भरपुर मनोरञ्जन दिलाएको स्मरण गर्दै बिनोदले भने ‘यस पटक बिगतको भन्दा अझ पृथक तरिकाले नेपाली हरुको चाडलाइ मनाउने गरि कार्यक्रमको तयारी गरिएको छ ।’
साथै यस कार्यक्रमबाट आएको मुनाफालाइ बिशुद्द सामाजिक काममा प्रयोग गर्ने उदेश्यले डान्स पार्टी आयोजना गरिएको सकु थापाले बताएकी छन् । ‘कोरियामा रहेका दाजु भाइ दिदी बहिनीहरुसग बिभिन्न शिर्षकमा सहयोगको लागि हात थाप्नु भन्दा एउटा रमाइलो कार्यक्रम आयोजना गरेर त्यसैबाट आएको मुनाफाले सामाजिक काम गरौ भनेर डान्स पार्टी आयोजना गरिएको हो’,थापाले भनिन् ।
यसपटकको दिपावली डिजे ‘के-नोन’ को म्युजिकको तालमा मनाउन ख्वाङ्जु लगायत आसपासका दाजु भाइ दिदी बहिनीहरु लाइ २१ तारिक शनिबार ‘५७ पार्टी टाउन सिने’मा रमाउदै सामाजिक कार्यमा सहभागी हुन आयोजकले हार्दिक अपिल गरेको छ । साथै केहि कन्फ्युज भएमा बिनोद परियार,सम्झना राई ,सकु थापा,अर्जुन शाह,राकेश पौडेल, सोनि तामाङ, दाबिन सग सम्पर्क गर्न सकिने समेत जनाइएको छ ।
