एनआरएन कोरियाको कोषाध्यक्षमा उम्मेदारी दिएका गोपाल बोहराको परिचय र प्रतिबदद्धता

मिलनसार, स्पष्ट वक्ता, पारदर्शी, निडर र निर्भीक स्वभाबका गोपाल बोहरा खासै मिडियामा आउन नरुचाउने पात्र हुन् । त्यसैले उनी आफ्नो उम्मेदवारी धेरै बोल्ने र काम कम गर्ने संस्कारको अन्त्यका लागि हो भन्छन् ।

बोहराको विचारमा बिभिन्न संघ संस्थामा रहेर काम गर्दा धेरै उम्मेदवारहरुले धेरै प्रतिबदद्धताहरु गरेको र जितेपछि सबै भुलेको देखिन्छ , त्यसैले बोलेर मात्र हैन गरेर देखाउनु सक्नु पर्छ । कुनै पनि संगठन चुस्त दुरुस्त र क्रियाशिल हुन एउटा ब्यक्ति होइन टीम नै सक्षम हुनुपर्छ त्यसमा पनि नेतृत्व दृढ इच्छाशक्ति भएको र भिजन सहितको हुनुपर्छ, अनि युवाहरुले बोलिमा नभएर काम र ब्याबहारमा बिस्वास गर्नुपर्छ।

गोपाल बोहराको परिचय

१. सन २०१५ मा बिद्यार्थी भिषामा द. कोरिया प्रबेश गरेका उनी एउटा असल बिद्यार्थी मात्रै नभएर एउटा सफल करांते खेलाडी पनि हुन् , कोरियाबाटै बिभिन्न देशमा खेलाडिको रूपमा नेपालको झण्डा फहराउँदै नेपाली शिर ठाडो पार्दैै हङ्गेरी, फ्रान्स, चीन, रसिया लगायत बिभिन्न देशहरुमा सहभागी भएका छन् ।

२ . खुल्ला दिलले समाजको सेवा गर्न रुचाउने उनी लामो समय देखी राप्ती समाज कोरियामा आबद्ध रहंदै बर्तमान कार्य समितिको उपाध्यक्ष पदमा रहेर निःस्वार्थ सेवा भावनाले समाजको सेवामा निरन्तर लागिरहेका छन् ।
३.  रुकुमको दुर्गम गाउँ झुम्लाबाङ्गमा स्थानीयवासीहरुलाई शिक्षा र स्वास्थ्य सेवा दिने उद्देश्यले स्थापित JVF ( झुम्लाबाङ्ग भिलेज फाउन्डेसन )का संस्थापक सदस्य र कोरिया संयोजकको रुपमा सेवारत छन् उनी । सो फाउण्डेसनले हाल १५ सैयको सामुदायिक अस्पताल, औपचारिक शिक्षाको लागि एउटा निम्न माध्यमिक विद्यालय, अनौपचारिक शिक्षाको लागि बिशेष कार्यक्रमहरु, सांस्कृतिक भवन लगायतका कामहरु गरिरहेका छन् । साथै  २००८ सालदेखि रुकुमकै बिभिन्न बिध्यालयहरुमा अध्यनरत द्वन्द्व पिडित, अनाथ, असहाय, गरीब तथा जेहेन्दार करीब ३५ बिद्यार्थीहरुलाई छात्रबृति संचालन गर्दै आएको छ ।

बोहराले कोरियामा आगामी दिनमा एनआरएनको कोषाध्यक्षको जिम्मेवारिमा रहेर अझ ऊर्जा र उत्साहका साथ नेपाली दाजुभाइ दिदिबहिनीहरुको सेवा गर्ने प्रण गर्दै आफुलाई सहयोग गर्न सबैमा विनम्र अनुरोध समेत गरेका छन् ।