‘स्याङ्जा कप २०१५’को तयारी सुरु
नोमराज गुरुङ
सोल कोरिया
अगामी अगष्ट २ तारिख कोरियाको गर्मी बिदालाई लक्षित गर्दै आयोजना गर्न लागेको ‘स्याङ्जा कप २०१५’ पुरुष भलिबल प्रतियोगिताको तयारी सुरु भएको छ ।
स्याङ्जा परिवार दक्षिण कोरियाले आयोजना गर्ने सो प्रतियोगितालाई भव्य र सभ्य बनाउने उद्देश्य सहित सबेरै तयारी थालिएको परिवारका अध्यक्ष धर्म गुरुङ्ले जानकारी दिए ।
अध्यक्ष गुरुङ्का अनुसार स्याङ्जा कप तयारीको लागि गएको मे १८ तारिखमा दोङ्वदेमुन स्थित स्याङ्जा धरमा बैठक बसी जिम्मेवारी बाँडफाँड समेत गरि सकिएको छ ।
बैठकले प्रतियोगिता सञ्चालनको लागि भलिबल स्टेडियमको व्यवस्थापनको जिम्मा परिवारको निवर्तमा अध्यक्ष मिलन राना मगरलाई दिईएको छ ।
स्याङ्जा कप पुरुष भलिबलको प्रतियोगिता सञ्चालन जिम्मेवारी परिवारका खेलकुद संयोजक राजु भण्डारी, भलिबल संयोजक बेदना आले, सह–संयोजक लेशन गुरुङ र टिम क्याप्टेन अमित राना मास्कीर्लाइ तोकिएको छ ।
त्यस्तै प्रतियोगिता अवधीमा सञ्चालन गरिने भाग्यशाली चिट्ठा कार्यक्रमको जिम्मा संस्थाका सह–सचिव मित्रबन्धु काफ्ले, उपाध्यक्ष याम गुरुङ् र सदस्य मणि खनाललाई दिईएको छ ।
सो अवसरमा खेलाडी र दर्शकको सुविधाको लािग खाना व्यवस्थापनको जिम्मेवारी संस्थाका कोषाध्यक्ष टेक राना, निवर्तमान उपाध्यक्ष हिमानी गुरुङ्, सदस्य द्धय सपना शर्मा र कल्पना गुरुङलाई तोकिएको छ ।
त्यसैगरी प्रतियोगिता अवधिभर स्वयमसेवकले लगाउने टि–सर्टको व्यवस्थापनको जिम्मेवारी भने अध्यक्ष स्वयम धर्म गुरुङ्लाई तोकिएको छ ।
प्रतियोगिता कोरियन गर्मी विदाको अवसरमा पर्ने हुनाले अरु प्रतियोगिताहरु भन्दा भव्य र सभ्य हुने भएकाले सबै खेलप्रेमीहरुलाई सहभागी भईदिन समेत परिवारले आग्रह समेत गरेको छ ।
