एन आर एन कोरियाको अध्यक्षमा ओम जुग्जाली मगरको उमेदवारी किन?
गैह्र आवाशीय नेपाली संघ कोरियाको छैठौं अधिबेशन यहि २०१७ सेप्टेम्बर १० तारिख हुन गइरहेकोछ । एन आर एन कोरियाका बरिष्ठ उपाध्यक्ष ओम नारायण जुग्जाली मगरले छैठौं कार्यसमितिका लागि अध्यक्ष पदमा उमेद्वारी घोषणा गरेका छन् । जुग्जालीले २००९ देखि कार्यसमितिमा सदस्य र पाचौं कार्य समिति २०१५ मा बरिष्ठ उपाध्यक्ष पदमा आफ्नो जिम्मेवारी पुरा गरेका छन् ।यहि कार्यकालमा ६ महिना कार्यबाहक अध्यक्ष भै कार्य गरेको अनुभब र निरन्तर समाज सेवामा पनि सक्रिय भएको हैसियतले आफुले उमेद्वारी दिएको बताएका छन् |
जुग्जालीले आफ्नो उमेद्वारी सहित ८ बुदे घोषणा पत्र पनि जारी गरेका छन्|
१.एन आर एन कोरियालाई कोरिया सरकारमा दर्ता गर्ने|संस्थालाई दिगो र संस्थागत रुपमा विकास गरि बृहत,पारदर्शी ,मजबुत एबम प्रभाबकारी बनाउने|
२.कोरियामा रहेका विभिन्न संघ संस्थासंग हातेमालो गरि एन आर एन कोरियालाई साझा संस्थाका रुपमा बिकाश गर्ने |
३.कोरियामा कार्यरत चालिस हजारको हाराहारीमा रहेका नेपालीहरुलाई न्युनतम एक लाख रुपयाको लगानी गर्ने बाताबरण बनाउने | दक्षिण कोरियाबाट मात्र १०० मेघावाट भन्दा बढीको हाइड्रोपावरमा लगानी गर्ने बाताबरण मिलाउने |
४.जुग्जाली मगर एन आर एन कोरियाको कार्यबाहक अध्यक्ष भएको बेलामा पूर्व उर्जा मन्त्रि जनार्धन शर्माको प्रमुख आतिथ्यमा उर्जा लगानी सम्बन्धि सेमिनार गरि सकिएको र आगामी दिनमा पनि लगानी सम्बन्धिका बिशेषज्ञलाई आमन्त्रण गरि सेमिनारलाई निरन्तरता दिने |
५.विदेशमा हासिल गरेको हामी नेपालीहरुको शिप ज्ञान र पुजीलाई एनआरएनए मार्फत नेपालमा उपयोग गर्न पहल गरि सम्बृद्ध नेपाल निर्माणमा टेवा पुर्याउने |
६.मजदुरहरुको हकहित र अधिकारका लागि बिभिन्न कार्ययोजना तयार गरि लागु गर्ने |
७. रेमिटेन्सलाई कोरियाबाट बैधानिक रुपमा नेपाल पठाउनका लागि नेपाली दुताबाससंग सहकार्य गरि पहल गर्ने |
८ .नेपाल हाउसलाई परिमार्जन सहित ब्यबस्थित रुपमा संचालन गर्ने |
कोरियाबासी नेपालीहरुलाई एन आर एन कोरियाको सदस्यता लिई अत्यधिक बहुमतले बिजयी बनाईदिनु हुन पनि जुग्जालीले हार्दिक अनुरोध गरेका छन्|
जुग्जाली मोना अन्तराष्ट्रिय समितिको सहकोषाध्यक्ष, मोना कोरियाको सल्लाहकार, नेपाल मगर संघ कोरियाको सल्लाहकार ,कास्की परिवारको सल्लाहकार तथा मेची महाकाली युनाइटेडका सल्लाहकार पनि हुन् । जुग्जाली बिगत १२ बर्ष देखि सफल ब्यवसाहीका रुपमा पनि कार्यरत छन् ।
