स्याङ्जा परिवारको रहात गोर्खाका तीन विद्यालयलाई
नोमराज गुरुङ्
सोल-
स्यङ्जा परिवार दक्षिण कोरियाले महा–भुकम्प पीडितको लागि सङ्कलन गरेको रहात गोर्खाको गाँखु र सौरापानी गा.वि.स.का ३ विद्यालयलाई बितरण गरिने भएको छ ।
बैशाख १२ गतेको महाभुकम्पले क्षेतबिच्छेद भएका गाँखुका संसारी महेन्द्र उच्च मावि, गाँखुकै हिमालय मावि र वडा नम्वर ८, रनचोकमा रहेको दुर्गा माविलाई शुक्रबार रहात स्वरुप जम्मा ५३ बण्डल जस्ता पाता बितरण गरिने भएको छ ।
जिल्ला शिक्षा कार्यालय गोर्खासँग समन्वय गरी भौतिक संरचना ध्वस्त भएका ३ विद्यायलहरुमा रहात लिएर जाने निर्णय स्याङ्जा परिवार दक्षिण कोरियाका नेपाल स्थित रहात वितरण टोलीले निर्णय गरेको हो ।
टोलीका संयोजक सूर्य चन्द, स्याङ्जा परिवार दक्षिण कोरियाका संस्थापक अध्यक्ष छ्याम थापा, समाजसेवी लालबहादुर गुरुङ, बिष्णु ढकाल, केशभक्त गुरुङ्, मोहन गुरुङ् पारस थापा, सुमन अर्याल, पत्रकार गीता राना, कृष्ण गुरुङ र राजन उपाध्यय सहितको टोली शुक्रबार बिहान ७ बजे रहात सामाग्री सहित गोर्खा जाने कार्यक्रम तय भएको छ ।
टोलीले रनचोक गाउँ क्षेत्रमै भएको एउटा मात्रै मावि स्तरको विद्यालय दुर्गा माविलाई ८ फुटे २३ बण्डल जस्ता पाता बिरतण गर्ने जनाएको छ ।
महा–भुकम्पको कम्पनबाट दुर्गा माविको ढुङ्गाले छाएको २ तले विद्यालय भवन क्षेतविक्षेत भएको थियो ।
अहिले विद्यालय पुन निर्माण नै गर्ने हो करिब २ सय ३६ पाता जस्ता आवश्यक रहेको विद्यालयका प्रधानाध्यापक सन्तबहादुर गुरुङ्ले फोनिज कोरियालाई फोन मार्फत जानकारी दिए ।
गुरुङ्को अनुसार विद्यालयमा अहिले ४ सय ९४ जना विद्यार्थी अध्ययन गरिरहेका छन् भने ५ दरबन्दी र ८ नीजि स्रोतमा गरी १३ शिक्षक शिक्षीकाद्धारा अध्ययापन गराईरहेका छन् ।
‘अहिले टेन्टको अस्थाई टहरा मूनि पठन पानठ सुरु गरेका छौं ।’ प्राध्यापक गुरुङ्ले भने । अब वर्ष सुरु भए पछि टेन्टको अस्थाई टहराले काम गर्दैन ।
वि.स २०१८ सालमा स्थापना भएको सो विद्यालयमा ३ वर्ष अगाडीदेखि स्थानिय गाउँलेबाट मासिक ३÷३ सय प्रत्येक घरले उठाएर मावि सञ्चालनमा ल्याएको छ । विद्यालयका शिक्षकलाई तलब दिने गाउँलेहरु नै अहिले महाभुकम्प पीडित बनेपछि नीजिस्रोतका ८ शिक्षक कसरी पाल्ने भन्ने समस्या पनि सुरु भएको छ ।
गोर्खाकै गाँखु गाविसका संसारी महेन्द्र उच्च माविलाई ८ फुटे २० बण्डल र हिमालयन माविलाई ९ फुटे १० बण्डल जस्ता पाता टोलीले बितरण गर्ने जनाएको छ । यी दुबै विद्यालयको भवनहरु भुकम्पको कम्पनले पूर्ण रुपमा ध्वस्त भएका छन् । अहिले दुवै विद्यालयले पालको अस्थाई टहरामा पठन पाठन सूचारु गरिरहेका छन् ।
वर्षायामलाई मध्यनजर गर्दै विद्यालयहरुलाई जस्ता पाता रहात स्वरुप वितरण गर्ने निर्णय गरेको टोली संयोजक सूर्य चन्दले बताए ।
चन्दका अनुसार टोलीले रहात वितरण क्षेत्रमा जाँदा स्याङ्जा परिवार दक्षिण कोरियाको ब्यानर बोकि टिसर्ट समेत लगाएर जानेछ ।
यसैबीच स्याङ्जा परिवार दक्षिण कोरियाको रहात वितरण टोलीसँगै मिलन फाउण्डेशन हङकङ्ले पनि रहात समाग्री लाने भएको छ । मिलन फाउण्डेशनको प्रतिनीधि गौरी गुरुङ् ब्ल्याङ्केट, सिरक, म्याट्र्ेस र अन्य लगाउने लत्ता कपडा लगायतका रहात सामाग्री लिएर जाने भएकी हुन् ।
