मर्सबाट आज थप २ जनाको मृत्यु,संक्रमितको संख्या १०८
ऐश्वर्य श्रेष्ठ,सोल –दक्षिण कोरियामा बुधबार मर्स भाइरसबाट संक्रमित थप २ जनाको मृत्यु भएको छ ।मिडल ईस्ट रेसपिरेटरी सिन्ड्रोम नामक भाइरसबाट हालसम्म १० जनाको मृत्यु भैंसकेको छ भने थप १३ जना संक्रमित भेटिएसंगैं जम्मा १०८ जना पुगेको छ । १३ जनामा १० जनालाई सोलस्थित रहेको सामसुंग मेडिकल सेन्टरमा मर्सबाट संक्रमित बिरामीको संसर्गबाट सरेको स्वास्थ्य तथा कल्याण मन्त्रालयले जनाएको छ ।
मन्त्रालयको अनुसार संक्रमणको आशंकामा ३ हजार ४ सय ३९ जनालाई छुट्टैं राखिएको छ ।कोरिया सरकारले मर्स भाइरस संक्रमित २९ वटा अस्पतालको नाम समेत सार्वजनिक गरेको छ ।
न्याय मन्त्री चोई क्योंग हवानले भने अस्पताल नैं मर्स सर्नुको प्रमुख कारण हो । “तसर्थ मर्स संक्रमितका आफन्त साथीभाइ अस्पतालमा भेटन जांदा सर्तक रहन जरुरी छ” , चोईले भने ।मन्त्री चोई हावाको माध्यमबाट यो रोग नसर्ने दाबी समेत गरे ।मे २० बाट कोरियामा देखा परेको यो भाइरस दक्षिण कोरिया तीव्र रुपमा फैंलिरहेको विश्व स्वास्थ्य संगठनले बताएको छ भने रोकथामको पहल गरीरहेको पनि बताएको छ ।१८ सय भन्दा बढी किन्डरगार्डेनहरु बन्द गरिएका छन् ।
कोरियन विज्ञ स्वास्थ्य टोली र विश्व स्वास्थ्य संगठनको संयुक्त टोली अध्ययन प्रतिवदेन शनिबार प्रस्तुत गर्ने जनाएको छ ।सरकारले ४ सय अरब वन मर्स प्रभावित तथा व्यावसाय प्रभावित क्षेत्रमा राहत वितराण गर्ने भएको छ ।मर्स भाइरस सन २०१२ मा पहिलो चोटी साउदी अरबमा देखा परेको थियो ।
