कोरियामा एमएनयुले वृहत अन्तरक्रिया गर्ने
माइग्रेन्ट नेपाली युनियन(एमएनयु) केन्द्रीय समितीले दक्षिण कोरियामा वृहत अन्तरक्रिया गर्ने भएको छ । ‘समुन्नत नेपाल निर्माणको लागि आप्रवासी नेपालीको भूमिका’ विषयक उक्त अन्तरक्रिया जनवरी २८ तारिखमा आयोजना गरिने एमएनयु केन्द्रीय सचिवालय सदस्य तथा कार्यक्रम व्यवस्थापन समितीका संयोजक सरदीप श्रेष्ठले बताए ।
उनले भने, ‘विश्वमा थुप्रै मूलुकहरु सम्पन्न हुने चरणमा त्यस देशबाट अन्य देशमा व्यवसााय, रोजगारीका लागि गएका माइग्रेन्ट्सहरुले ठूलो योगदान दिएरमात्रै त्यो देश सम्पन्न भएको कुरा हामी सबैलाई अवगत छ । त्यसैले, हामी माइग्रेन्ट नेपाली सङ्गठित भएर छलफल र सहकार्यका लागि जुट्यौँभने पक्कै पनि समुन्नत नेपाल निर्माणमा योगदान पुग्ने छ । उनले थपे, ‘त्यसको वैज्ञानिक आधार तय गर्न यो अन्तरक्रिया एतिहासिक र निकै महत्वपूर्ण हुनेछ । सबै क्षेत्रबाट सल्लाह, सुझाव र सहकार्यको अपेक्षा गर्दछौँ ।’ सो अन्तरक्रियामा विश्वका करीव एघारभन्दा बढी देशहरुबाट समेत अनलाईनमार्फत अन्तरक्रियामा सहभागी गराईने कुरा उनले बत्ताए ।
प्रवासमा रहेर विभिन्न क्षेत्रमा कार्यरत सम्पूर्ण नेपालीलाई अन्तरक्रियामा सहभागी भइदिन एमएनयु केन्द्रीय संयोजक मिलनकान्छा किरातीले अपील गर्दै अन्तरक्रियाबाट प्राप्त सुझाव–सल्लाह र विचारलाईसमेत समेटेर वृहत लगानी, उद्यम र रोजगारीको व्यवस्थापन प्रणलीबारे एमएनयुले नेपाल सरकार, प्रधानमन्त्री कार्यलय र सम्बन्धित निकायमा खुल्ला ज्ञापन–पत्र बुझाउदै ठोस कार्यन्वायनमा अघिबढ्ने बताए ।
