कोरियामा संचालित अभियानबाट सर्लाहि र सिन्धुलीका विपन्न वर्गलाई कम्मल वितरण
सउल
केही हप्ता अघि कोरियामा रहेका नेपालीहरुमाझ संचालित न्यानो बाढ्ने अभियानबाट सर्लाहीका विपन्न वर्गलाई कम्बल वितरण गरिएको छ । आइतबार जनवरी एक तारिख विभिन्न क्षेत्रका स्थानिय प्रतिनिधीहरुको उपस्थीतीमा एक कार्यक्रम गरी २ सय २० वटा कम्बल वितरण गरिएको हो ।
कार्यक्रममा सर्लाही स्थीत मुसरी टोल १०० घर, डुम चमार टोल ३० घर पिडीत तथा एकल महीला, मदेशी मुस्लीम, आदीवासी जनजाती ९० घरलाई कम्बल वितरण गरिएको थियो ।
विगतका वर्षहरुमा शितलहरबाट प्रत्येक वर्ष यी बस्तिहरुमा ज्यान गुमाउनेको संख्या अधिक रहेको ले यहाका अत्ति विपन्न यी समुदायहरुको जीवन निकै कष्टकर र दुखदायि रहेको पाइन्छ ।
त्यस्तै गरी सिन्धुपाल्चोक जिल्लाको ठोकर्पा गाविसका लोपोन्मुख सिमान्तकृत विपन्न जाति पहरीको बस्तीका ६७ घर परिवारलाई पनि कम्बल वितरण गरिएको छ ।
यस बस्तीमा पनि अघिल्लो वर्ष हिउँदमा चिसोका कारण ११ जनाको ज्यान गएको थियो । खेती जमिन कम भएको मजदुरी र ज्यालाद्धारा गुजारा गर्दै आएका यस बस्तीका पहरीहरु भूकम्पपछि झन कष्टकर जीवन जिउदै आएको स्थानिय शंकर पाण्डेले जानकारी गराएका छन् ।
यस वर्ष कोरियामा रहेका नेपालिहरु द्वारा मान वन न्यानो बाड्ने अभियानबाट ६७ घरपरिवार साथै सिन्धुसमाज दक्षिण कोरियाका अध्यक्ष एल वि श्रेष्ठको अथक प्रयास र समन्वयमा दिगो फोरम भन्ने संथाले १३५ घरपरिवारलाई गरि त्यस गाविसको पहरिको बस्ति २०० घरपरिवारलाई ब्लान्केट वितरण भएको छ।
कोरिया स्थित सिन्धु समाज दक्षिण कोरियाका अध्यक्ष एल.बि. श्रेष्ठको नेतृत्वमा अभियन्ताहरु सपना सुनुवार, सन्तोष अधिकारी, आइ० फुरर्पा छिरिइ० लामा, नेपाली गोविन्द गौतम, युवराज घिमिरेलगायतको सहयोगमा १० हजार वन संकलन अभियान संचालन गरिएको थियो । सोही अभियानबाट संकलित रकमले नेपालमा कम्बल किनी वितरण गरिएको हो ।
