नाटक घर निर्माणको लागि कोरियामा आर्थिक संकलन सुरु
सोल, निर्माणाधीन पोखरा नाटक घरको लागि दक्षिण कोरियामा आर्थिक संकलन सुरु गरिएको छ । राजधानी बाहिरको पहिलो नाटक घर निर्माणका लागि दक्षिण कोरियामा रहेका केहि युवा आर्थिक संकलनका लागि सक्रिय भएर लागेका छन ।
युथ कृयसन थिएटर पोखराको अगुवाइमा निर्माण भइरहेको नाटक घरलाई आर्थिक अभावमा हुन नदिन आर्थिक संकलन सुरु गरिएको युवाहरुले जानकारी गराएका छन । गोरेटोका सहयात्री समुहमा आवद्ध युवाहरुले आर्थिक संकलन अभियान सुरु गरेका हुन । दुइ बर्ष अघि देखि निर्माण सुरु गरिएको नाटक घर आर्थिक अभाव र नाकाबन्दीका कारण काम रोकिएर निर्माण कार्य ढिलो हुदै आएको थियो । केहि समयदेखि निर्माणमा तिब्रता पाइरहेको नाटक घरको ७५ प्रतिशत निर्माण कार्य सकिएको छ ।
काठमाडौं बाहिर नाटक घर संचालन हुनु सुखद पक्ष भएकोले दक्षिण कोरियामा पनि युवाहरुबाट आर्थिक संकलन शुरु गरिएको सहयात्री समुहमा आवद्ध कास्कीका फणिन्द्र भण्डारीले जानकारी गराए । सुरुमा केहि साथीहरु मार्फत सहयोग गर्न लागिएको तर धेरै युवाहरुले नाटक घर प्रति चासो देखाएकोले आर्थिक संकलन कार्य लम्बिएको भण्डारीले बताए । संकलित रकम केहि दिनमा नाटक घर निर्माण समितीलाई हस्तान्तरण गरिने उनले बताए ।
राजधानी बाहिर रंग मन्च निर्माण हुनु र कला पारखीहरु फैलिएको प्रति इलामका गणेश पौडेलले खुसि ब्यक्त गर्दै भने नाटक घर निर्माण पश्चात सहयोगको सार्थकता हुनेछ । एक सय ६० जनाको क्षमता रहेको नाटक घर दश बर्षको लागि एक एनजीओको जग्गा भाडामा लिएर पोखरा नागढुंगामा निर्माणाधीन छ । तिस लाख लाख रुपया लागत अनुमान गरिएको नाटक घर माघ महिना देखि संचालन हुने युथ कृयशनले जानकारी गराएको छ ।
