कोरियामा स्थायी बसोबास अनुमति सहज हुँदै
लिलु डुम्रे
सोल-दक्षिण कोरियाले स्थायी बसोबास अनुमतिका लागि पोइन्ट प्रणाली लागु गर्ने भएको छ ।
जुन एकदेखि लागु हुने परिवर्तित प्रणालीमा अतिरिक्त क्षमता भएकाहरुको लागि स्थायी बसोबासको अनुमति प्राप्त गर्न थप सहज हुनेछ । परिवर्तित व्यवस्थाका अनुसार बिज्ञान,व्यापार ,शिक्षा ,सस्कृति ,कला र खेलमा उल्लेखनीय कार्य गरेकोलाई प्राथमिकता दिईएको छ ।
एक बर्ष कोरियामा बसाई सकेको र सरकारले निर्धारण गरेको ८० अंक प्राप्त गरेको अवस्थामा पीआर प्राप्त गर्न सकिने छ । अंक प्राप्त गर्नको लागि विभिन्न चरण तोकिएका छन । पछिल्लो नियमले उच्च क्षमता हुनेहरु लाभान्वित हुन सक्नेछन । बिज्ञान प्रबिधि ,व्यापार ,शिक्षा ,सस्कृति ,कला र खेलमा अतिरिक्त क्षमता हुनेहरुले १५ अंक प्राप्त गर्न सक्नेछन् । पाँच बर्ष भन्दा बढीपुरा समय लिएर अध्यापन गर्ने प्राध्यापकले ३० अंक प्राप्त गर्न सक्नेछन् ।
स्थायी बसोबासका लागि प्रदान गरिएको भिषालाइ एफ ५ भनिएको हुन्छ । परिवर्तित नियमले आर्थिक क्षेत्रको साथै आन्तरिक क्षमतालाइ ध्यान दिएको छ । निर्धारण गरिएका क्राइटएरियामा व्यक्तिले फरक फरक शिर्षकबाट लक्षित अंक पुर्याउनु पर्नेहुन्छ ।
नयाँ प्राबधानमा बार्षिक आम्दानी २७ हजर अ्एरिकी डलर हुनुपर्नेछ । कोरियामा अध्यायनरत बिधार्थीहरुले अतिरिक्त १० अंक प्राप्त गर्न सक्नेछन । श्रीमान,श्रीमती बिबाह पश्चात कोरिया रहेको छ महिना पुगेको अवस्थामा थप पाँच अंक उपलब्ध हुनेछ । स्वदेशमा उच्च तहको सरकारी कर्मचारी रहेको कागजात पेश गर्न सकेको अवस्थामा थप पाँच अंकको व्यवस्था गरिएको छ ।
परिवर्तित नयाँ नियममा तोकिएका मापदण्ड पुरा गरि स्थायी बसोबासको अनुमति प्राप्त गर्नसक्ने नेपाली संख्या अति न्यून हुनेछ । आर्थिकसंगै अन्य मापदण्ड पुरा गर्न अधिकांश नेपालीहरुलाइ असम्भव प्राय छ । ग्वान्ग्जु युनिभर्सिटीका प्राध्यापक ठाकुर सुबेदीले भने अंक प्रणालीले केहि सहज भएपनि भाषासंगै तोकिएका अन्य क्षेत्रको मापदण्डका कारण स्थायी बसोबास अनुमति प्राप्त गर्न अधिकांश नेपालीलाइ असम्भव छ ।
परिवर्तित नियममा इपिएस प्रणालीबाट कामका लागि आउने नेपालीले स्थायी बसोबासको अनुमति प्राप्त गर्नसक्ने अवस्था देखिदैन । ब्यापारिक कार्यमा रहेका नेपालीहरुमा पनि तोकिएको ८० अंक प्राप्त गर्न कठिन छ . अन्तर्रा्ष्ट्रिय पुरस्कारबाट सम्मानित , अन्तराष्ट्रिय स्तरको सामाजिक सेवामा उल्लेखनीय कार्य गर्नेहरुलाइ प्राथमिकता दिईएको छ ।
नेपाली प्राध्यापकहरु र केहि बिद्यार्थीहरुले मापदण्ड पुरा गरि एफ ५ भिषा प्राप्त गर्नसक्ने अवस्था नया नियमले बनाइदिएको छ । इन्जे युनिभर्सिटीका बिद्याबारिधि सोधरत लोकनाथ खरेल भन्छन अतिरिक्त क्षमता हुनेहरुलाइ कोरियाको बसाईसंगै अवसर दिनेगरि नयाँ नियम ल्याईएको छ ।