कोरियामा कार्यरत बोनाम प्रतापलाई साताको साहित्य पुरस्कार

सोल -केही महिना अघि मात्र ईपिएस रोजगार प्रणालीमार्फत दक्षिण कोरिया रोजगारका लागि कोरिया आएका कवि बोनम प्रतापलाई यो बर्षको साको साहित्य पुरस्कार प्रदान गरिने भएको छ ।

उनले नगद रु २० हजार र ताम्रपत्र प्राप्त गर्नेछन् ।उनको कविता ‘ म नि सुन्दर थिएं नि ‘ लाई सो पुरस्कार प्रदान गरिने निर्णय गरिएको साताको साहित्य डट कमका सम्पादक निष्प्रभ सजीद्धारा जारी विज्ञप्तिमा भनिएको छ ।

अष्ट्रलियाबाट प्रकाशित हुने साताको साहित्य डट कममा प्रकाशित भएका सन २०१५ अगष्टदेखि सन २०१६ जुलाईसम्म प्रकाशित भएका रचनाहरुमध्येमा बोनमको कविता उत्कृष्ट ठहर भएको हो ।पाठकको प्रतिक्रिया र साताको साहित्यले जीवन खत्रीको कविता ‘एउटा खस्रो चित्र’ ,गजलकार कमल संघर्षको ‘गजल ‘ उत्कृष्ट ३ मा छनौंट भएको थियो ।

गत बर्ष नवराज पराजुलीले साताको साहित्य पुरस्कार प्राप्त गरेका थिए ।