कोरियामा सांगीतिक क्षेत्र मार्फत चम्किदै सुबास
दक्षिण कोरिया, बिगत केही बर्ष देखि कोरियालाइ आफ्नो कर्मभुमी बनाउदै आएका गायक सुबास पाराजुलीले कोरियाको अत्यधिक ब्यस्त समयका बाबजुत पनि प्रबाश बाटै “सुबास” नामक पहिलो गीति एल्बम बजारमा ल्याएका छ्न । सानै उमेरदेखि गायन क्षेत्रमा अत्यधिक चासो रहेको बताउने सुवासले कोरियामा काम संगै गित संगीतलाई पनि उत्तिकै निरन्तरता दिदै “सुबास” लाई बजारमा ल्याएका हुन ।
“सुबास” भन्दा पहिल्यै उनले अन्य दर्जनौ गितहरुमा समेत आफ्नो स्वर दिसकेका छ्न । उदयपुर गाईघाटका स्थाइ बासिन्दा सुबास हाल कोरियामा कार्यरत रहेता पनी नेपाली रहनसहन, नेपाली मौलिक संस्कृति, अनि नेपाली गीत संगीत प्रतिको मोह झनै तिब्र हुँदै गएको बताउँछन् । साथै कोरियामा रहदै रचना गरिएको उनको पहिलो एल्बम “सुबास”लाई केही महिना पहिला नेपाल गएर सार्बजनिक गरेका थिए ।
सुबाश नामक गीति एल्बमभित्र उजाड मेरो जिबन , फुलको यो रंगले मात्रै , दुनियाको सामु , चोखो प्रिती लाउँ भन्दा जस्ता कर्णप्रिय गीतहरु समाबेस गरिएका छन् । साथै सबै गीतहरुको म्युजिक भिडियो पनि निर्माण भैसकेको छ भने “उजाड मेरो जीवन” नामक बोलको गित निकै लोकप्रिय समेत बनेको छ । जसमा महानायक राजेश हमाल र सदाबहार सुन्दरी नायिका करिश्मा मानन्धरले अभिनय गरेका छन् । दुई गीतमा गायक सुबाश पराजुलीलाई साधना सरगम र दिपा झाले साथ दिएकी छिन् भने बाँकि गीतहरुमा सुबाशको एकल स्वर रहेको छ ।
एल्बम भित्रका गीतहरुमा अशोक गुरुङ , बिपिन किरण , आनन्द अधिकारी इन्द्र आर पी जस्ता ख्याती प्राप्त गीतकारहरुको शब्द रचना रहेको छ भने शिखर सन्तोष , इन्द्र आर पी , हरि लम्साल र राम कार्कीको संगीत रहेको छ । “सुबास” गीति एल्बमको लोकप्रियतासंगै नेपालि सांगीतिक क्षेत्रमा सुबास पराजुली चम्किने पक्का रहेको छ ।
