प्रवासी नेपाली मञ्च कोरियाको शुभकामना तथा चियापान कार्यक्रम सम्पन्न
फोनिज कोरिया सम्वाददाता
प्रवासी नेपाली मञ्च (ओएनएफ) ले नेपालीहरुको दोस्रो ठुलो चाड तिहारको अवसर पारेर शुभकामना तथा चियापान कार्यक्रमको आयोजना गरेको छ । आइतबार दक्षिण कोरियाको राजधानी सउलमा २०७३ सालको बडादशैं, तिहार, नेपाल सम्वत ११३७, छठ, ल्होसार तथा उधौलीलगायतका नेपाली चाडपर्वहरुको उपलक्ष्यमा शुभकामना आदानप्रदान गरेको हो ।
ओएनएफका कार्यबाहक अध्यक्ष मिना थापा मगरको अध्यक्षतामा बसेको कार्यक्रममा उपाध्यक्ष दुर्गा न्यौपानेले स्वागत मन्तव्य ब्यक्त गरेका थिए । महासचिव सिबलाल पन्थीले संचालन गरेको कार्यक्रममा एमआरएनए आइसिसि सदस्य बिनोद कुँवर, एनसिसिका पूर्व अध्यक्ष लोचन राई, नेपाली जनसम्पर्क समितिका संगठन प्रमुख प्रकाश वलि, एनआरएन अध्यक्ष राजु क्षेत्री, जनजाती महासँघका अध्यक्ष चित्र मोक्तान, ओएनएफका पूर्व अध्यक्ष गोबिन्द गाउले, नेपाली जनप्रगतिशिल मञ्चका अध्यक्ष खगेन्द्र बुढा मगर, संघिय समाजबादि फोरमका अध्यक्ष महेन्द्र राईलगायतले शुभकामना मन्तब्य व्यक्त गर्दै सबै किसिमको चाडपर्वहरुको सम्मान गर्नु पर्ने तथा विदेशमा रहेका सम्पूर्ण नेपालीहरुको दिर्घायु सुस्वास्थ्य र प्रगतिको कामना गर्दै नेपाली चाडपर्वले नेपालीहरुको बिचमा सद्भाव र एकता कायम हुने विचार ब्यक्त गरेका थिए ।
