कोरियामा तमूधिँले चलचित्र झुम्की प्रदर्शन गरयो
फोनिज कोरिया संवादाता
सउल
तमूधिँ दक्षिण कोरियाले आपतकालिन राहत कोष स्थापनार्थ नेपाली कथानक चलचित्र झुक्मीलाई आइतबार सउलमा प्रदर्शन गरेको छ । श्रमसहचारी देवराज ढकालको प्रमुख आतिथ्यमा औपचारीक कार्यक्रम गरी चलचित्रको प्रदर्शन आरम्भ गरिएको थियो ।
कार्यक्रममा श्रमसहचारी ढकालले आपतकालिन राहत कोष स्थापनार्थ चलचित्र प्रदर्शन गरी परोपकारी कार्य गरेकोमा सरहना गर्नुभयो । साथै प्रदेशमा रहेका नेपालीहरुलाई नेपाली चलचित्र प्रदर्शन गरी आफ्नो कला र संस्कृतीलाई जगेरना गर्न सहयोग पुराएको भन्दै श्रमसहचारी ढकालले प्रशंसा समेत गर्नुभयो । कार्यक्रममा नेपालबाट आएका नेपाली चालचित्र विकास बोर्ड संचालक समितिका सदस्य हाँस्य कलाकार उत्तम केसी र पत्रकार अशोक प्यासी राई तथा आदिवासी जनजाति महासंघ कोरियाका अध्यक्ष चित्रबहादुर मोक्तानको विषेश आतिथ्य रहेको थियो ।
पुरस्कृत अभिनेता दयाँहाइ० राई अभिनित चलचित्र झुम्कीले थारु समुदायको सामाजिक परिवेशलाई कथा बनाएका छन् । साथै सुरक्षाकर्मी प्रहरीको र गाउले युवतीको मायाले उब्जाएको समस्या र सोही कारण घटेका अपराधिक घट्नालाई चलचित्रको मुख्य विषय बनाइएको छ । कथामा झुटो माया, बदला र साँचो मायाकै कारण तीन पात्रको ज्यान गएको चलचित्र झुम्कीको मुख्य सन्देश के हो दर्शकले सहजै बुझन गारो छ । चलचित्रको अन्त्यमा दर्शक अलम मल्लमा पर्छन । मुख्य अपराधीहरुलाई बचाउन एक निदोर्श व्यक्तिको ज्यान जान्छ । तर के ति अपराधीहरु बचे त ? भन्ने प्रश्न यथावत नै रहन्छ ।
प्राय रंगमञ्चका कलाकार भएकाले अभिनयमा सहजता पाए पनि कुनै कुनै दृश्य भने एकहोरो जस्तो लाग्छ । तर यस चलचित्रका मुख्य पात्र देवकीको कम संवाद र शारिरीक अभियन सशक्त भएकाले नव प्रवेशी कलाकारको भविष्य भने उज्जवल हुने संकेत पाइन्छ । कोरियामा हप्ताभर कडा परिश्रम गरेर थाकेको शरिरलाई स्फुर्ती दिलाउन हाँस्ने रमाउने मुडमा आएका दर्शकहरुको मन भने यो चलचित्रले खास्सै जित्न सकेन ।
कार्यक्रममा गजल सर्जक नुहाइ० किराँतीको गजल संग्रह बुकिको पनि सार्वजनिक गरिएको थियो । साथै नुवाकोट समाजको चिट्ठा पनि सार्वजनिक गरिएको थियो । साथै राप्ती समाजले कोरियमा निकट भविष्यमै प्रदर्शन गर्न लागको चलचित्र छक्का पञ्जाको पनि पोष्टर पनि सार्वजनिक गरिएको थियो ।
