माम्फको तयारी पूरा विभिन्न स्थानबाट बसको व्यवस्था
फोनिज कोरिया सम्वाददाता
छाङवन, हरेक वर्ष कोरियामा आयोजना हुँदै आएको आप्रवासीहरुको बहुसाँस्कृतिक मेला (माम्फ)को तयारीसँगै बहुसाँस्कृतिक परेडमा सहभागी हुन विभिन्न स्थानहरुमा नेपालीहरुको लागि बसको व्यवस्था गरिएको छ । घ्यङसाङनाम्दोको छाङवन शहरको योङजी पार्कमा यहि सेक्टेम्बर ३० तारिखदेखि अक्टोबर २ सम्म तीन दिन हुने आप्रवासीहरुसँगै बहुसाँस्कृतिक मेला माम्फ MAMF( Migrent Ariang Multicultural Festival -2016) को अन्तिम दिन नेपाल बहुसाँस्कृतिक परेडमा यसपटक दुई सय जनालाई मात्र सहभागि जनाउने नेपाल माम्फ आयोजक कमिटिका संयोजक हरि थपलियाले जानकारी दिएका छन् ।
१५ भन्दा बढी राष्ट्रहरुको सहभागी र प्रतिस्प्रधा हुने यो महामेलामा प्रतेक सहभागी राष्ट्रहरुको परिचय र चिनारी दिने किसीमका पहिरन, भेष-भुसा,कला, संस्कृति, गित-संगीत र खानाका परीकारहरुका बिभिन्न रङहरुले सजिनेछ। यो महामेलाको सम्पुर्ण तयारी पुरा भएको छ । यस बहुसाँस्कृतिक मेलामा नेपाले पनी प्रतेक बर्ष सहभागी जनाइरहेको छ। यसपटकको नेपालको सहभागीता अर्थात तयारी धेरै राम्रो भएको संयोजक थपलिया बताउछन् ।
कोरीया स्थित नेपाली राजदुतवासको सहभागीतामा यो बहुसाँस्कृतिक मेलाको प्रतिस्प्रधामा सहभागी नेपालका हरेक कार्यक्रमहरुमा “वुद्ध नेपालमा जन्मेका थिए, “Buddha wsa born in Nepal ” भन्ने शिर्षक र नाराहरु रहनेछन। नेपाल र वुद्धको सम्बन्ध देखाउँदै नेपालको परिचय आकर्षक तरीकाले गराइने छ । त्यस्तै गरेर नेपालबाट आउनुहुने मकवानपुर उद्योग वाणिज्य संघका अध्यक्ष र महासचिबको समुहले मकवानपुर क्षेत्र लगायत समग्र नेपालको संस्कृति ,पर्यटन, हस्तकला, चित्रकला, साथै विभिन्न औद्योगिक सामाग्रीहरुको प्रदर्शनी पनी गरिने भएको छ ।
नेपालीहरुको लागी कार्यक्रमको मुख्य आकर्षक चर्चित लोकदोहोरी गायक बद्री पंगेनीको दम्दार प्रस्तुती रहने भएको छ । तीन दिन सम्म हुने उक्त कार्यक्रमको अन्तिम दिन गायन प्रतियोगीता, बिभिन्न देशका सँस्कृती झल्काउने किसीमका झाँकी, परेड आदीको प्रतिस्प्रधा हुने भएको छ। ५० लाख वन प्रथम पुरस्कार भएको उक्त परेड तथा झाँकी प्रदेशनीमा नेपाली पोशाक दौरासुरुवाल, ढाका-टोपी, गुन्यु-चोली, नेपालको झन्डा अंकित टि-सर्ट, लगाएर साथै विशेष गरेर नेपाली किराँत समुदायको साकेला नृत्य, नेपाली मगर समुदायको प्रस्तुती त्यस्तै दम्दार रहने छ । यसै कार्यक्रममा अन्य विदेशी लगायत नेपाली खानाका परीकारहरुको स्वाद पनी लिन पाइने भएको छ । नेपालबाट आउने अतिथीको ब्यबस्थापन साथै कार्यक्रम प्रचार-प्रसारको जिम्मा समाजसेवी रमेश उप्रेतीले गरेका छन् ।
माम्फमा सहभागी हरेक नेपालीलाई परेडमा सहभागी गराउदा अलि अव्यवस्थित हुने भएकोले यसपटक परेडका लागि सहभागी दुई सयजनाले अगाडि नै नाम लेखाउनु पर्ने र नाम लेखाएको ब्यक्तिले मात्र परेडमा सहभागि जनाउने संयोजक थपलियाले बताएका छन् । उनका अनुसार परेडमा सहभागीहरुले नेपाली पहिरन अनिवार्य लगाउनुपर्ने छ भने नेपाली पहिरन नहुनेले नेपाली झण्डा अंकित टिसर्ट र नेपाली झण्डा सहित सहभागिता जनाउने छन् । दिउँसो चार बजे सुरु हुने परेडमा सहभागीहरुले नेपाली संगीतको तालमा नेपाली संस्कृति झल्कने प्रस्तुति दिनुपर्ने छ । माम्फमा सहभागी हुन कोरियाको विभिन्न शहरबाट निशुल्क बसको व्यवस्था गरिएकोले हरेक स्थानबाट आउने र परेडमा सहभागी प्रत्येक २० जनाको नाम अगाडि नै टिपाउन पनि संयोजक थपलियाले अनुरोध गरेका छन् । उनका अनुसार यसपटक परेडमा सहभागीहरुलाई टिफिनको व्यवस्था गरिनुकासाथै परेडलाई अझ व्यवस्थित र आकर्षक बनाउन पनि नाम टिपाउनुपर्ने भएको हो ।
अक्टोबर २ तारिख आइतबार माम्फमा किम्हे, नोङसान, याङसान, हामान, छिल्स, यङसान, मिर्याङ, थेगु, गछाङ, सानछङ, हामयाङ, जिन्जुबाट कार्यक्रम स्थलसम्म आउनको लागि बसको व्यवस्था भएकोले आउनको लागि तल दिएको ठेगाना र सम्पर्क व्यक्तिहरु ः
