बिनोद बान्तवाको गयौ तिमी मेरो मन झस्काएर गयौ
![](https://www.fonijkorea.net/wp-content/uploads/2016/09/14302504_1082581905182231_798520207_n-468x450.jpg)
फोनिज कोरिया सम्वाददाता
गयौ तिमी मेरो मन झस्काएर गयौ
झुटो माया गरि मुटु चस्काएर गयौ…विनोद बान्तवाको शब्द, डिआर अटुको संगीत र सिडि विजय अधिकारीको स्वर रहेको यो गीतले यतिखेर नेपाली साँगीतिक क्षेत्रमा चर्चा पाउन थालेको छ । नेपाली साहित्य समाज दक्षिण कोरियाको पहिलो प्रस्तुति गीति एल्बम सहयात्रामा समेटिएको १५ गीत गजल मध्येको यो गजलले पनि राम्रो बजार लिने विश्वास गरिएको छ । यसको फिमेल भर्सन अहिलेकी चर्चित गायिका मेलिना राईको स्वरमा चाँडै बजारमा आउने भएको छ ।
त्यसो त गीतकार बान्तवा आफै पनि राम्रो सम्भावना बोकेका गायक हुन् । उनी विश्वव्यापी अनलाइन गायन प्रतियोगिता वाट्सएप नेपाली तारा को फाइनल राउण्डमा पुगिसकेका छन् । संगीतको औपचारिक प्रशिक्षण नलिए पनि नेपाली गीतसंगीतका विद्यार्थी भन्न रुचाउने विनोद बान्तवाले अरुको गीत सुनेर नै गाउन थालेका हुन् । वैदेशिक रोजगारको शिलसिलामा कोरियामा रहेका वान्तवा फुर्सद्को समय पाउनसाथ गीतसंगीतकै अभ्यासमा जुट्छन् ।
सानैदेखि साहित्य र गायनमा रुचि लिदै आएका बान्तवाले किनाराका रहरहरु गजल संग्रह प्रकाशित गरिसकेका छन् ।
![](https://external.xx.fbcdn.net/safe_image.php?d=AQAucLexd57sq2NO&w=158&h=158&url=https%3A%2F%2Fi.ytimg.com%2Fvi%2Fnht4b-o05R4%2Fhqdefault.jpg&cfs=1&upscale=1&sx=0&sy=0&sw=360&sh=360)