गायिका सकुन लिम्बू कोरियोग्राफर बन्न चाहन्थिन्
सोल-दक्षिण कोरिया नेपालीहरुको लागि राम्रो रोजगार गन्तव्यस्थल बन्दैछ ।पछिल्लो समय कामको साथमा आफनो सीप र रुचिअनुसार समयको सदुपयोग गर्ने धेरैं नेपालीहरु भेटिन थालेका छन् ।
त्यस मध्येका एक हुन गायिका सकुन लिम्बू ।पुर्वको पांचथर जिल्लामा जन्मिएकी सकुन सानैंदेखि नांच्ने गाउने रहरसंगैं औंपचारिकरुपमा २०६१ २०६२ सालदेखि नृत्यको साथैं संगीत सिक्न थालिन् ।घरलाई नैं संगीतको पाठशाला ठान्ने सकुनले फिदिमको वरदान संगीतालयमा संगीत सिक्न शुरु गरिन् ।
संगीत र नृत्यप्रति उनको तीव्र ईच्छाले काठमाण्डौंसम्म पुरायो ।उनले राजधानीको भीडमा संगीतशाला प्रतिष्ठानमा संगीत सिक्नको साथैं कोरियाग्राफी समेत सिकिन् ।काठमाण्डौं आउनु अघि पांचथर फिदिममा नृत्यको क्लास लिने गर्थिन् ।
सकुनले आफनो कोरिया प्रवेशको रहस्य खोल्दैं भनिन्, आफु ७ कक्षामा पढदा बाबाले मलाई पढनको लागि एसएलसी पास गरेपछि जापान पठाउछु भन्ने कुरा आमालाई भनेको सुनेको थिए ।जसको फलस्वरुप जापान र कोरिया दुवैंतिरका भाषा पढने क्रममा कोरियाको कामदार हुनका लागि आईपुगे उनी बताउछिन् ।नेपालमैं बसेर गीतसंगीतमा केही गर्ने चाहना थियो तर बाबाको विदेश पठाउने ईच्छालाई कोरियामा काम गर्न आएर भएपनि मैंले पुरा गरे ।
कोरियाको व्यस्त समयमा पनि हरेक दिन १ घण्टा समय निकालेर रियाज गर्छिन् उनी ।कोरियाको कामलाई सहज रुपमा लिने सकुनले समयको अभावलाई सदुपयोग गर्दैं एल्बम तयार गरिन् ।उनी कोरिया आएपछि ६ वटा लोक आधुनिक गीतको एउटा एल्बम तयार गरिन ‘स्नेहा’ ।
तारा प्रकाश लिम्बूको एकल संगीत रहेको यो एल्बममा ‘यो पिरती ‘एमन सुवेदीको शब्द, ‘मुटुको टुक्रा’ बि आर मित्र जसको म्युजिक भिडियो बजारमा आईसकेको छ ।त्यसैै गरी ‘हुने होकी होईन’किरण टि लिम्बू,’त्यो दिलको’ स्वप्निल बराल,’थाहा छैंन’,’कसरी तिम्रो’ किरण टि लिम्बूको शब्द रहेको छ ।
सकुनले एल्बममा समेटिएका सबैं गीतको भिडियोहरु बनाउने सोच रहेको बताईन् ।कोरिया आएपछि आफुमा विश्वास बढेको बताउदैं उनले आफुमा एल्बम निकाल्ने हिम्मत जागेको दर्शाइन् ।काममा सधैं रमाउने उनको बानी छ ।कोरियाग्राफीमा धेरैं संभावना कोरियामा रहेको बताउदैं समयले साथ दिए कसैंले अफर गरेमा काम गर्न इच्छुक रहेको बताइन् ।
सकुन गीतसंगीत र कोरियाग्राफीमा कुशल दक्षता देखाई अघि बढने सोचमा छिन् ।साहित्यमा पनि उतिकैं रुचि राख्ने सकुन जीवनको परिभाषा यसरी दिन्छिन् ‘जीवन संघर्ष हो ।संघर्ष गर्दै जांदा अन्तिममा जे प्राप्त हुन्छ त्यसलाई खुशीमा परिवर्तन गर्छु ।संघर्षपछिको खुशी नैं जीवन हो ।’
