मगर संघले आयोजना गर्न लागेको फुटबल टुर्नामेन्टको टाइसीट प्रकासित
सउल, नेपाल मगर संघ गणतन्त्र कोरियाले आयोजना गर्न लागेको स्व. हेम पुनमगर स्मृति पुरुष नकआउट फुटबल टुर्नामेन्ट २०१६ को ताइसीट प्रकासित गरेको छ । अगस्ट १४ तारिख आइतबारका दिन सोयोसान फुटबल ग्राउण्डमा हुन लागेको उक्त फुटबल टुर्नामेन्टमा मगर संघ ब्ल्यु, मगर संघ रेड, गुन्सान एफसि, छुन्छन नेपाली एफसि, किम्पो एफसि, केवाइसी एफसि, मेचीमहाकाली, मनाङ् एफसि। कास्की एफसी, नार्गाजुन एफसि, सिंहग एफसि, झापा एफसि, सुदुरपशिचमाञ्चल एफसि, धरान एफसि, म्याग्दी एफसि र लमजुङ् एफसि गरी १६ समुहले भाग लिने भएका छन् ।
प्रतियोगितामा प्रथम हुने समुहलाई १६ लाख वनसहित शिल्ड, मेडल तथा प्रमाणपत्र प्रदान गरिने भएको छ । त्यस्तै दोस्रा हुने समुहलाई ८ लाख वनसहित मेडल तथा प्रमाणपत्र प्रदान गरिने छ भने सर्वोत्कृष्ठ खेलाडी, सर्वाधिक गोलकर्ता र उत्कष्ठ गोलरक्षकलाई कप तथा प्रमाणपत्र प्रदान गरिने आयोजकले जनाएको छ । साथमा स्थगित भाग्यशाली चिठ्ठाको लक्की ड्र गरिनुकासाथै नेपाली खानाको स्वादिस्ट परिकारहरु समेत व्यवस्था गरिएको छ । त्यसैगरी कार्यक्रमको अन्तमा दर्शकलाई विशेष पुरस्कारको समेत व्यवस्था गरिएको आयोजकले जनाएको छ ।
