मिल्ती आयोजनाको सिभिल डिजाइन ८० प्रतिशत सम्पन्न

फोनिज कोरिया संवाददाता

सोल-सानो मिल्ती खोला जलबिद्युत आयोजनाको सिभिल डिजाइनसग सम्बन्धित काम ८० प्रतिशत पुरा भएको जनाइएको छ | तीन महिनाको अवधिमा वेर,डीसेनडीङ बेसिन , क्यानल डिजाइन सहित ८० प्रतिशत सिभिल डिजाइनसंग सम्बन्धित काम पुरा भएको हो |

आउदो २ महिनाभित्र जेनरेटिङ मेशिनको छनौट हुनसाथ पावर हाउस र फोर वेको डिजाइन गरिने आयोजना प्रमुख तेन्जी शेर्पाले बताए | त्यस्तै कानुनी,प्रशासनिक र वातावारण सम्बन्धि प्रकृया पुराहुने क्रममा रहेको शेर्पाले बताए |

भूकम्पको असर छैन

नेपालमा पटक पटक गएको शक्तिशाली भूकम्पले मिल्ती खोला आयोजनामा कुनै प्रभाव नपरेको आयोजनाका निर्देशक सुरेस लिम्बुले बताएका छन् |कोरियामा संकलन गरिएको शेयर आवेदन लिएर नेपाल गएका लिम्बु प्राबिधिक टोलिसहित मिल्ती खोला पुगेका थिए | प्राबिधिक टोलीका अनुसार भूकम्पले पानीको मुहान र बहावमा कुनै असर परेको छैन | हाल पानीको बहाब प्रतिसेकेन्ड ५ सय लिटर भन्दा बढी छ |

पहिलो किस्ता मे अन्तिमसम्ममा

सानो मिल्ती खोला जलबिद्युत आयोजनामा लगानी गर्न आवेदन भरेका शेयर आवेदकले मे महिनाको अन्तिमसम्म पहिलो किस्ता बुझाई सक्नुपर्ने समय सीमा तोकिएको छ |आयोजना संचालक समिति र सल्लाहकार समितिको अनलाइन बैठकले सो निर्णय गरेको हो |

नेपालमा गएको विनाशकारी भूकम्पले लामो समयसम्म बैंक नखुलेका कारण केहि आवेदकले पहिलो किस्ता जम्मा गर्न नसकेको गुनासो कम्पनीमा राखेका थिए | आवेदकहरुको गुनासोलाई ध्यानमा राख्दै दुवै समितिले पहिलो किस्ता मे अन्तिमसम्ममा बुझाई सक्नुपर्ने समय सीमा तोकेको हो |दोश्रो किस्ता भने जुन अन्तिमसम्ममा बुझाई सक्नुपर्ने कम्पनीले जनाएको छ |

बिस्तृत जानकारीको लागि

कपिल न्यौपाने -01059347429
देवेन्द्र सम्बाहाम्फे -01083576667
हरि श्रेष्ठ -01048376525
यम श्रेष्ठ – 01043759222