कोरियामा मिसाइल प्रतिरक्षात्मक प्रणाली जडित क्षेत्रमा स्थानियद्धारा प्रधानमन्त्रीमाथि आक्रोश
फोनिजकोरिया संवाददाता
सउल
दक्षिण कोरियामा आणविक क्षेप्यास्त्र मिसाइल प्रतिरक्षात्मक प्रणाली जडित क्षेत्रमा शुक्रबार स्थानियहरुले प्रधानमन्त्री ह्वाइ० ख्यो आनमाथि आक्रोश पोखेका छन् । सो प्रणाली जडित सइ०जु गुनमा अवलोकन गर्न पुगेका प्रधानमन्त्री आनमाथि स्थानियहरुले आक्रोश पोख्दै पानीको बोतल र अण्डाले प्रहार गरेका थिए ।
प्रधानमन्त्री आनलाई विरोध प्रर्दशनमा उत्रेका करिब ३ हजार स्थानिय बासीन्दाले ६ घण्टा भन्दा बढी समय अवरोध खडा गरी काउन्टीबाट बाहिर निस्कन दिएका थिएनन् । सुरक्षाकर्मी र प्रशासन प्रमुखहरु सहित सो स्थानमा पुगेका प्रधानमन्त्री माथि स्थानियहरुको आक्रोशले एक जना सामान्य घाइते भएका थिए ।
सो स्थानमा शक्तिशाली राडर जडान गरिने भएकाले स्वास्थ्यमा असर पार्ने चिन्ता स्थानियहरुले राख्दै आएका छन् । साथै सरकारले पूर्व सूचना नगरी सो प्रणाली त्यस स्थानमा जडान गर्ने निर्णय गरेकोमा स्थायिनहरु विरोध गर्दै अन्सनमा बसेका थिए । स्थानिय अक्रोशको चापमा परेपछि प्रधानमन्त्री आनले स्थानियहरुलाई पूर्व सूचना विना सरकाले निणर्य गरेकोमा क्षमा मागे । उत्तर कोरियाले निरन्तर आणविक धम्की दिदै आएकोले सरकारको कुनै विकल्प नभएपछि मिसाइल प्रतिरक्षात्मक प्रणाली Terminal High Altitude Area Defense (THAAD) जडान गर्ने निणर्य गरेको प्रधानमन्त्रीले स्पष्ट पारे ।
दक्षिण कोरिया र अमेरिकी सरकारले गत हप्ता मिसाइल प्रतिरक्षात्मक प्रणाली कोरियामा जडान गर्ने निणर्य गरेको थियो । सउलबाट २ सय ९६ किलोमिटर टाडा दक्षिण तर्फ साइ०जु गुनमा मिसाइल प्रतिरक्षात्मक प्रणालीको व्यट्री हिजो जडान गरिएको छ ।
