निर्बाचन कमिटि द्वारा एन आर एन ए कोरियाका पदाधिकारीहरुलाई पदीय प्रमाण पत्र प्रदान
सौल _
गत सेप्टेम्बरमा एन आर एन ए कोरियाको पाँचौ महाधिबेसनको लागि गठन भएको निर्बाचन कमिटीले निर्बाचन सम्पन्न गरे पश्चात निर्बाचन प्रक्रियामा संकलन भएको आर्थिक रकम र पाचौ कार्य समितिकालागि बिजयी पदाधिकारीलाई पदीय प्रमाण पत्र सौलमा एक कार्यक्रमका बीच डिसेम्बर २० तारिख आइतबार हस्तान्तरण गरियो |
तत्कालिन निर्बाचन कमिटीले आयोजना गरिएको पदीय प्रमाणपत्र हस्तान्तरण तथा छलफल कार्यक्रममा नेपाली दुताबास दक्षिण कोरियाका उपनियोग प्रमुख किरण शाक्य प्रमुख अतिथि रहेका थिए |अतिथिको मन्तब्यको क्रममा उपनियोग प्रमुख शाक्यले भने बिदेशमा कुनै पनि संस्था स्थापना र संचालन गर्न र हाम्रो जस्तो बिबिधतालाई समेटेर अगाडी बढ्नु आफैमा चुनौती पूर्ण कुरा हो तैपनि एन आर एन ए को स्थापना गरि विश्व ब्यापी संजाल निर्माण गरि नेपाल र नेपालीका लागि परोपकारी काम ,बिकाश निर्माण र लगानीको क्षेत्रमा काम गरिरहेको संस्था एन आर एन ए संग नेपाल सरकारले पनि सहकार्य गरिरहेको छ र कोरियामा पनि एन आर एन ए संग सहकार्य गर्न आफु तयार भएको कुरा ब्यक्त गरे |आफु हंककंग मा रहदा त्यहा रहेको २ वटा nrna मकाउ र हंगकंग संग सहकार्य गरेर धेरै कामहरु गरेको वताए |कोरियामा रहेका नेपालीहरुको समस्यालाई कसरि न्यूनीकरण गर्न सकिन्छ?भन्ने बिषयमा सबैको औपचारिक अनौपचारिक सल्लाह सुझाब सहित दुताबासले कार्यहरु गर्दै आएको छ |दुताबासले प्रदान गर्ने सेवामा लाग्ने समयलाई पनि घटाउने प्रयास गरिरहेको छ|म चार महिना अगाडी कोरिया आएको र आएपछि पनि ६/७ जना को आत्महत्या मृत्यु भएकोले यस्तो अवस्थालाई कसरि न्यूनीकरण गर्न सकिन्छ? भन्ने बिषयमा प्राप्त सुझाब अनुसार कोरियामा काम गर्न कठिन छ यहाँ को भाषा ,संस्कृति ,खाना , मौसम र औधोगिक कारखानामा काम गर्ने तरिकालाई समायोजन गर्नको लागि मनोवैज्ञानिक रुपमा थप मजबुत बनाउन नेपालमा दिइने तालिममा यस्ता बिषय बस्तु समाबेश गरियोस भन्ने सुझाब दुताबासले छिट्टै नेपाल पठाउने छ शाक्य ले भने |
तत्कालिन निर्बाचन कमिटिका कार्यबाहक संयोजक डा. देवी बहादुर बस्नेतको अध्यक्षतामा निर्बाचन समितिका सदस्य बिमल सुबेदीले संचालन गरेको कार्यक्रममा पूर्व एसिया प्यासिफिक संयोजक गंगा राज राई , आई सी सी सदस्य के पी सिटौला .निबर्तमान अध्यक्ष तथा आई सी सी सदस्य बिनोद कुँवर ,डा .भुषणश्रेष्ठ,नेपाली सम्पर्क समितिका अध्यक्ष प्रेम शाह जनजाती महासंघको निबर्तमान अध्यक्ष भक्त शेरचन लगायत बिभिन्न संघ संस्था का पदाधिकारीहरुको उपस्थिति रहेको थियो |
प्रमुख अतिथि उपनियोग प्रमुख किरण शाक्य र निर्बाचन समितिका कार्यबाहक संयोजक डा. देवी बहादुर बस्नेतले nrna कोरियाका पाँचौ कार्य समितिका अध्यक्ष राजु क्षेत्रीको अध्यक्षतामा गठित नव निर्बाचित पदाधिकारीहरुलाई बधाईका साथै पदीय प्रमाण पत्र प्रदान गरेका थिए | साथै निर्बाचन प्रक्रियामा संकलन भएको १ करोर ६० लाख वोन पनि बैंक खुलेको २ दिन भित्र बुझाईने बताइएको थियो |अन्तमा आफ्नो व्यस्त समय को बाबजुत पनि पाँचौ अधिबेसन सफल बनाउन दिनरात खटिनु भएको तत्कालिन निर्बाचन कमिटिका पदाधिकारी लाई नब निर्बाचित अध्यक्ष राजु क्षेत्रीले बिशेष धन्यवाद प्रदान गरेका थिए |
कार्यक्रमको अवसरमा जनसम्पर्क समिति कोरियाको तर्फबाट समितिका सभापति गिरिराज कुँवरले nrna द्वारा नेपालमा प्रदान गर्न लागिएको औषधिका लागि ५ लाख वोन सहयोग रकम nrna कोरियाका अध्यक्ष राजु क्षेत्रीलाई हस्तान्तरण गरेका थिए |
