घाइते लामालाई नेपकोरको सहयोग
सउल, मोटरसाइकल दुर्घटना भइ गम्भीर घाइते भएका काभ्रे च्यासिङ्खर्कका श्याम लामालाई कोरियामा रहेका नेपाली युवाहरुको समुह नेपकोरले दश लाख वन रकम सहयोग गरेको छ ।
तीन महिना अघि कम्पनीबाट छिन्छन जाने क्रममा दुर्घटनामा परि घाइते भएका लामाको अहिले छन्जुस्थित ह्योसङ् अस्पतालमा उपचार भइरहेको छ । उनको उपचारमा केही आर्थिक सहयोग पुर्याउन नेपकोरले गत साता सउलको दोङ्नेमुनमा ट्यान्क टप डान्स पार्टीको आयोजना गरी त्यसबाट उठेको रकमबाट बचत भएको रकम लामाको उपचारार्थ प्रदान गरेको हो ।
नेपकोर समुहले आइतबार अस्पताल पुगेर विमारी लामालाई उक्त रकम हस्तान्तरण गरेका थिए ।
