छुसकको पहिलो दिन धनकुटा साँस्कृतिक सौगातले कोरियामा तहल्का मच्चाउने, तैयारी तीब्र
धनकुटा सेवा समाज दक्षिण कोरिया दशौँ वर्ष प्रवेश गरेको उपलक्ष्यमा छुसकमा बृहत सांस्कृतिक कार्यक्रमको आयोजना गर्दैछ। सेवा समाजद्वारा सञ्चालित दिर्घकालिन सेल्टर ब्यवस्थापन सहयोगार्थ गर्न लागिएको कार्यक्रमको तैयारी तिब्र गतिमा अगाडि बढेरहेको अध्यक्ष परदेश राइले जानकारी गराएका छन्। धनकुटा सेवा समाजले लामो समयदेखि सेल्टर सञ्चालन गरि काम छाडेर बसेकाहरु, विरामीहरुलाई समेत सेवा दिँदै आइरहेको छ।
सेप्टेम्बर १२ तारिखका दिन सउलमा नेपालबाट आमन्त्रण गरिएका कलाकारले भरपुर मनोरञ्जन दिलाउनेमा आयोजक विश्वस्त रहेको छ। सास्कृतिक कार्यक्रममा सुगम संगीतका चम्किला तारा अन्जु पन्त, विशेष आकर्षणमा रहेका लोकप्रिय गायक पुष्पन प्रधान, नेपाली पप संगीतमा एकछत्र राज गरेका बहुचर्चित गायक निमा रुम्बा यसैगरी नेपपमा तहल्का पिटिरहेका यूवा पुस्तामाझ सर्वाधिक रुचाइएका र्यापर भि-टेन यसैगरी बेजोड प्रस्तुति दिनसक्ने गायकहरु देवेन चेम्जोङ, साजन राई, जशोदा सुब्बा, आश्रा कुंवरको प्रस्तुति रहने छ।
कार्यक्रम दोगंदेमुन बाट नजिकै रहेको जुग्नो ओ गाको फेक छु न्यन खिन्यमग्वान हलमा हुनेछ। हलसम्म जानको लागि दोगंदेमुनबाट बसको ब्यवस्था पनि गरिएको छ ।
आफ्नो पहिलो सांस्कृतिक कार्यक्रमलाई सफल बनाउनका निम्ति कोरियामा रहेका सम्पुर्ण संघ संस्था र नेपालीहरुलाई आयोजकले हार्दिक अनुरोध गरेका छन्।