‘यादको सन्दुक’ सउलमा विमोचन

दिपा मेवाहाङ राईको कविता संग्रह ‘यादको सन्दुक’ दक्षिण कोरियामा विमोचन गरेको छ । आइतबार सउलमा इतर अभियानले आयोजित कार्यक्रममा विमोचन गरेको हो ।
नेपालमा २ हप्ताअघि विमोचन गरिएको कृति हङकङ साहित्यिक साँझ श्रृंखलामा पनि गतहप्ता विमोचन गरिएको थियो । यसअघि राष्ट्रिय दैनिक र अनलाइनमा कविता, कथा, गीत लेख्दै आइरहेको कवि दिपाले पहिलो साहित्यिक कोसेली ‘यादको सन्दुक’ ल्याएकी छिन् ।
विमोचनको दोस्रो भागमा कृति माथिको संवार्तामा मुख्य वक्ता पराजित पोमु, वक्ताहरुमा सेसेफुङ सेर्मा, सकुन आँशु र जीवन खत्री थियो । मुख्य वक्ता पराजित पोमुले कृतिमा जीबन, आर्दश, प्रेमहरु रहेको बताए । उनले भने, ‘प्रेममा पनि आशामुखी लेख्न सुझाए, किनकी आशाले जीवन जगाउछ, जीवन जिउने कला, खुशी रहेको बताए ।’
त्यस्तै अर्को वक्ता जीवन खत्रीले ‘यादको सन्दुक’ शिर्षकको कविता वाचन गर्दै मौलिक स्वाद रहेको बताए । कविताहरु हेर्दा सुन्दर रहेको र विम्बा, कला र कोरियोग्राफी, प्रेमका भावहरु रहेको बताए । वक्ता सेसेफुङ शेर्माले कविता पढिरहदा कवि दिपाले धेरै साधना, धेरै मेहेनत गरेर लेखेको कविताहरु रहेको बताए । उनले भने, ‘प्रवासमा रहेर दैनिक ८–१० घण्टाको कामपछिको केही समयलाई सदुपयोग गरेर लेखेका शिल्पा, विम्बाको दृष्ट्रिकोणले उत्कृष्ट रहेको छ ।’ त्यस्तै वक्ता शकुन आँशु अनुस्पस्थिति थियो । अनुस्पस्थिति भएपनि विचार, कृतिमाथिको चर्चा र सुुझावहरु सन्देशमार्फत पठाएको थिइन् ।
कृति लेखक दिपा मेवाहाङ राईले परदेशमा बसिरहदाको समयमा देश, गाउँघर, आमा, भाइ, आफन्त, प्रेम सम्बन्धका यादहरुको संकलनलाई ‘यादको सन्दुक’ नामकरण भएको बताइन् । उनले भनिन्, ‘यादको सन्दुकका कविताहरु प्रेम र बिछोडको कविता हो ।’
फिनिक्स बुकको प्रकाशनमा रहेको १०० पृष्ठ यादको सन्दुकमा ४८ वटा कविताहरु छन् ।