कोरियन भाषा परीक्षा नेपाली बिद्यार्थीले नेपालमै दिन पाउने
सोल-दक्षिण कोरियामा पढ्न आउने नेपाली विद्यार्थीका लागि खुशी खबर छ | यहाँ पढ्न आउनका लागि बिद्यार्थीले दिनुपर्ने टेष्ट अफ प्रफिसियन्सी इन कोरियन (टोपिक)को परीक्षा नेपालमै दिन पाउने व्यवस्था भएको छ ।
त्रिवि र कोरियन दूतावासबीत भएको सहमति अनुसार स्वदशमै टोपिकको परीक्षा भएको हो । यसअघि टोपिकको परीक्षा दिन भारत जानु पर्दथ्यो । त्रिवि अन्तर्गत विश्व भाषा क्याम्पसले टोपिकको परीक्षा लिने भएको हो ।
यो परीक्षा विश्वका ७३ मुलुकमा एक साथ सम्पन्न हुने गर्छ | यो अंग्रेजी भाषाको ‘टोफल ‘जस्तै प्राज्ञिक मान्यताका लागि लिने गरिन्छ | टोपीक हरेक बर्ष मार्च र नोभेम्बरमा संचालन हुने गर्दछ |
टोपीकको पहिलो र दोश्रो गरि दुई तह रहेका छन् | दोश्रो तहको परीक्षामा ६ ग्रेड हासिल गर्ने बिद्यार्थीले कोरियास्थित बिश्वविद्यालयले छात्रवृति दिने गर्छ |
नेपालमा पहिलो पटक गत मार्चमा यो परीक्षा भएको थियो भने दोश्रो हिजो आइतबार सम्पन्न भएको छ | यसको नतिजा आउदो डिसेम्बर ३० मा सार्बजनिक गरिने कान्तिपुर दैनिकको समाचारमा उल्लेख छ |
