काेरियामा माघे संक्रान्तिको लागि कार्यक्रम हल र अतिथि कलाकारकाे टुंगो लाग्यो
मगरहरुको महान चाड माघे(मगर)संक्रान्तिको अवसरमा नेपाल मगर संघ दक्षिण कोरियाले बर्षेनी गर्दै आएको मगर माघे संक्रान्ति बिशेष कार्यक्रमको लागि कार्यक्रम हल र नेपाल बाट आमन्त्रित कलाकारको टुंगो लागेकाे छ।नयाँ प्रतिभालाइ कोरियामा बोलाइ प्रोत्साहन दिने निरन्तरतालाई कायम गर्दै यसपालीको कार्यक्रममा सुमधर स्वरकी धनी चर्चित लोक दोहोरी गायिका सुमन थापा मगरलाइ आमन्त्रित कलाकारको रुपमा बोलाउने भएको छ।
लाहुरे साइलो,भेट भयो छुटम कसरी,रस रस,डाडैको लाकुरी,के को माया लाउनी लगायतका दर्जनौ गीत गाएकी गायिका सुमन संगै कोरियामा नेपाली समुदाय माझ चर्चित कलाकारहरु देबिन्द्र काउचा मगर,जितन भाइ श्रीस मगर,स्नीका थापा मगर,माया थापा मगर,एस.बी.राना.मगर, बिकास थापा,बबिता पुन,थेगु शाखाका कलाकारहरु,किम्हे/बुसान शाखाका कलाकारहरु लगायतका कलाकारहरुको बिशेष प्रस्तुति रहने सांस्कृतिक संयोजक एस.बी.राना.मगरले जानकारी दिएका छन्।
बिभिन्न मगर मौलिक हुर्रा,कौडा,सालैजो,झ्याउरे,टप्पा सहितको प्रस्तुति रहने कार्यक्रममा मगर मौलिक खाना परिकारहरु पनि ब्यबस्था गरिएको छ।प्रदेशी ब्यस्ततालाइ ध्यानमा राखी २०२० जनवरी १२ तारिक आइतबार आयोजना गरिएको कार्यक्रम सौलको मेट्रो लाइन १ नम्बरको छ्ङ्र्याङ्री स्टेसन गेट नम्बर ६ बाट २० मिटरमा रहेको रेस्टुरेन्टमा गरिने प्रमुख सल्लाहकार होबीर थापा मगरले जानकारी दिएका छन्।
उक्त दिन उपस्थित भइ मगर मौलिक चाडलाइ भब्यताका साथ सफल पारिदिनु हुन कोरियामा रहनुहुने संघ संस्था,ब्यापारी,बिध्यार्थी,बुद्दिजिबी नेपालीहरुलाइ अध्यक्ष सि.पी.मगरले हार्दिक अनुरोध गरेका छन्।
